Генералниот директор на Светската здравствена организација (СЗО), Тедрос Аданом Гебрејесус, уште еднаш ги предупреди земјите да размислат внимателно за мерките за ублажување за време на пандемијата на коронавирус.
Покрај тоа што повторно ги смируваше страстите од САД, тој предупреди дека луѓето сè уште не знаат доволно за коронавирусот, а ситуацијата ја спореди со шпанскиот грип од 1918 година, кој уби 100 милиони луѓе.
„Верувајте, најлошото допрва следува. Да ја спречиме оваа трагедија. Многу луѓе сè уште не го разбираат овој вирус. Ваква пандемија не сме имале 100 години и потсетува на т.н. шпански грип од 1918 година. Но сега имаме технологија, можеме да спречиме катастрофа“, истакна Тедрос Аданом Гебрејесус на прес во Женева.
Повеќе од 2 милиони и 400.000 луѓе ширум светот се заразени со коронавирус. 644.589 од нив оздравеле додека 169.739 починале.
