ПИШУВААТ:
Д-р Анџелка Илиева, специјалист по дерматовенерологија
Д-р Александра Лазаревска, специјалист по дерматовенерологија
♦ ♦ ♦ ♦ ♦ ♦ ♦
Кожата е најфасцинантниот орган на човечкото тело. Ја носиме на себе цел живот, преку неа чуствуваме и восприемаме, а и треба и да изгледаме убаво во неа. Кожата не заштитува одново секој ден.
Во 2020 се одбележа 100 годишнината од кога за прв пат бил употребен терминот дермоскопија од страна на германскиот дерматолог Јохан Сапиер кој препорачал систематска примена на микроскоп за да ја испита анатомијата на кожата и различните патологии, па така Карл Цајс за оваа намена го развил првиот биокуларен површински микроскоп. Но овој термин дермоскопија/дерматоскопија влегува во употреба дури во 1951 година кога го искористил американскиот дерматолог Лон Голдман, а потоа го презел неговиот англиски колега Рона Мек Ки. Потоа следеле години кога научните сознанија биле проследени со технолошки иновации во медицината кои овозможиле рано откривање на меланома и останатите типови рак како што е автоматизираното мапирање на телото. Денес, 102 години по првата употреба на овој термин, дермоскопијата е пожива од кога било досега, полна со нови перспективи и полиња на делување. Дерматолозите од целиот свет се активно инволвирани во научните организации, истражувачки групи и форуми кои се занимаваат со оваа тематика.
Иновација за рано откривање на рак на кожата
Раното откривање на рак на кожата не треба да се занемари. Иако вообичаено мај е месецот кога зборувавме за подигање на свеста за ракот на кожата, сепак би сакале да потсетиме дека редовните прегледи кај дерматолог се неопходни за вашето здравје. Особено поради фактот дека меланомот – ракот на кожа се развива подмолно, без речиси никакви симптоми, а неговото навремено откривање може да спаси живот.
Дермоскопското испитување на целото тело со помош на апаратот Фотофајндер (FotoFinder) во моментот е дел од акцијата со намалени цени на неколку клучни прегледи во „Жан Митрев“, која трае во периодот од 7 февруари до 31 март 2022 година, и се добива со попуст од 50% од редовната цена. ЗА ДА ЗАКАЖЕТЕ КАЈ ДЕРМАТОЛОЗИ ВО ЦЕНТАРОТ ЗА ЕСТЕТСКА ДЕРМАТОЛОГИЈА ПРИ КЛИНИЧКАТА БОЛНИЦА „ЖАН МИТРЕВ“ ЈАВЕТЕ СЕ НА 02/3104-910 ИЛИ ЗАКАЖЕТЕ ПРЕГЛЕД ОНЛАЈН НА СЛЕДНИОТ ЛИНК
Последната иновација за рано откривање на рак на кожата го револуционизира мапирањето на бенки во пост-корона времето: Дермоскопското испитување на целото тело со помош на Фотофајндер (FotoFinder) ги спојува целосното мапирање на телото (Total Body Mapping) и дермоскопијата.
Фотофајндер (FotoFinder) обезбедува врвна технологија која вклучува вештачка интелигенција со помош на која веднаш се детектираат нови, изменети и сомнителни бенки. Притоа прегледот се изведува на хигиенско растојание од повеќе од 1,6 метри, што е особено важно во време на Ковид-19. Новиот, ултра брз работен процес ја визуелизира површината на кожата без рефлексија и со спектакуларен квалитет. Ова овозможува преглед на статусот на бенките на пациентот веднаш, без да има потреба од правење на дермоскопска слика на секоја поединечна лезија. Благодарение на поларизираните, обработени, слики со висока резолуција, структурата на невусите достапна преку слика на целото тело.
Ова е чекорот од целосно мапирање на телото до комплетна дермоскопија на целото тело! Благодарение на модуларниот дизајн, функционалноста на Фотофајндер (FotoFinder) може да се прилагоди на поширок опсег на услуги во секое време, без разлика дали се работи за дермоскопија, фотографирање на целото тело, консултација за коса или естетика. Неговите иновации ќе ги воодушеват пациентите!
ФОТОФАЈНДЕР (FOTOFINDER) – СВЕТСКИ ЛИДЕР ВО ВИДЕОДЕРМОСКОПИЈА Фотофајндер (FotoFinder) е светски лидер во видеодермоскопија. Се започнало во 1991 година, на почетокот на новата мултимедијална ера. Андреас и Рудолф Мајер имале визија да развијат база на податоци за дигитални слики која ќе ги направи фотографските архиви излишни! Оваа визија всушност била камен-темелникот на Фотофајндер (FotoFinder). Првата канцеларија им била зад една азиска продавница во Минхен, а тие немале ниту бизнис план ниту почетен капитал. Никој не ни претпоставувал дека Фотофајндер (FotoFinder) ќе еволуира од старт-ап со двајца луѓе во глобален мед-тех бренд. Сето тоа се случило благодарение на контактот со еден професор по дерматологија кој прецизно фотографирал бенки и креирал хартиена архива, процедура која одземала многу време. Наскоро им станува јасно дека следењето на бенките во дигитална форма може да направи револуција во откривањето на рак на кожата! Така во 1994 година се раѓа медицинската видеокамера и наскоро бидува развиен првиот дермоскопски систем за сликање FotoFinder. Во првите неколку години, секоја продажба била достигнување, а испораките патешествие со малиот компактен автомобил низ цела Европа. Денеска, Фотофајндер (FotoFinder) е светски лидер во видеодермоскопија, наградуван и присутен во над 100 земји ширум светот!
Како работи Фотофајндер (FotoFinder)?
Со ултра брзиот процес на скенирање и интегрираната технологија на вештачка интелигенција, заштедува време, а контролите на кожата ги подига на сосема ново ниво на квалитет. Самата оддалеченост од пациентот на повеќе од 1,6 м овозможува прегледот да биде безбеден.
Мајсторот за скенирање на тело (Bodyscan Мaster) ги идентификува лезиите во сите направени слики на телото и интелигентно ги распоредува според нивната важност на еден екран. Софтверот ги категоризира како: нови, променети и непроменети невуси. Овој таканаречен „мозаик приказ“ помага да се идентификуваат сомнителните лезии уште веднаш. Со тоа, видеодермоскопскиот преглед се фокусира само на неколку атипични лезии за кои е потребна дополнителна проценка. Ова заштедува многу време и го намалува блискиот контакт на минимум.
Tехнологија на вештачка интелигенција AI за комплетно мапирање на кожата
Комплетното дермоскопско мапирање на кожата како процес, комбинира извонреден квалитет на слики, со нови софтверски функции и вештачка интелигенција (AI).
Токму Фотофајндер (FotoFinder) со вештачка интелигенција овозможува исклучителни рeзултати на овој комбиниран систем. Од една страна тоа значи оптимизација на резултатите од скенирањето на телото (Bodyscan) и комплетното дермоскопско мапирање (Total Body Dermoscopy), а од друга страна ги поддржува анализите на поединечни лезии со анализаторот на бемки Moleanalyzer Prо кој дозволува пред-проценка на меланоцитски и немеланоцитски лезии користејќи алгоритам базиран на „длабоко учење“, тестиран при клинички испитувања.
Дермоскопија со максимална хигиена
Во случај лезијата да бара дополнително испитување, можете да ја искористите видеодермоскопијата со зумирање во најдлабоките структури на невусот со големо оптичко зголемување и моментално зумирање на областа. FotoFinder medicam доаѓа со заменливи предни капачиња кои може да се менуваат за дезинфекција после секој пациент.
- Особено во услови на Корона пандемија која трае подолго време, сигурни сме дека не сте направиле редовна контола и затоа би сакале да ве потсетиме дека особено во случај на малигнен меланом, раното откривање може да спаси живот!
Свесни дека иднината е во комплетното мапирање на кожата на целото тело, а со цел да го подигнеме нивотото и да обезбедиме уште поквалитетни дерматолошки прегледи, од сега на располагање е технолошки напредниот апарат за комплетно мапирање на кожата на целото тело познат како Фотофајндер (FotoFinder).
Дермоскопското испитување на целото тело со помош на апаратот Фотофајндер (FotoFinder) во моментот е дел од акцијата со намалени цени на неколку клучни прегледи во клиничката болница „Жан Митрев“, која трае во периодот од 7 февруари до 31 март 2022 година, и се добива со попуст од 50% од редовната цена. ЗА ДА ЗАКАЖЕТЕ КАЈ ДЕРМАТОЛОЗИ ВО ЦЕНТАРОТ ЗА ЕСТЕТСКА ДЕРМАТОЛОГИЈА ПРИ КЛИНИЧКАТА БОЛНИЦА „ЖАН МИТРЕВ“ ЈАВЕТЕ СЕ НА 02/3104-910 ИЛИ ЗАКАЖЕТЕ ПРЕГЛЕД ОНЛАЈН НА СЛЕДНИОТ ЛИНК.
Редовните прегледи кај дерматолог се неопходни за вашето здравје, редовните прегледи спасуваат живот.
