Белградската професорка д-р Ана Глигиќ, истакнат вирусолог и докторка која во 1972 година го потврди првиот случај на вариола вера во тогашна Југославија и како микробиолог го потврди првиот марбург вирус, во интервју за „Н1“ вели дека нема причина да се плашиме од мајмунските сипаници, но дека како и кај сите вируси, има причина за загриженост.
„Имаме причина за грижа, но не за страв, туку за брза организација за да се соочиме со проблемот што не очекува“, рече таа.
Таа вели дека не треба да очекуваме епидемија како епидемијата на вариола вера во 1980-тите, но треба да бидеме внимателни
„Мајмунските сипаници беа актуелни пред 50 години и за време на епидемијата кога ја имавме, затоа што следевме повеќе од 20 научници кои ги проучуваа токму мајмунските сипаници. Зошто? Бидејќи потеклото на вариола вера не е познато до ден-денес. Се сметаше дека потеклото треба можеби да се бара меѓу мајмунските сипаници. Дека тој вирус се трансформирал во големи сипаници, односно во вариола“, изјави Глигиќ.
„А не се знае како“, додава таа.
„Истражувачите на почетокот мислеа дека мајмунските сипаници не предизвикуваат болест кај луѓето и дека не може да се пренесат на луѓето. Меѓутоа, во 1970-тите беше докажан првиот случај на пренесување на болеста кај луѓето иако мајмунските сипаници во 1950-тите се појавија на илјадници во Централна Африка, со стапка на смртност од 3,3 отсто“, рече Глигиќ.
Потоа, вели, тоа се намалило со вакцинација и истребување на големите сипаници, кои, како што додава, имаат заеднички имунитет со мајмунските сипаници.
„Тогаш смртноста падна на 1,1 отсто“, рече таа.
Глигиќ вели дека сега постои една опасност – вирусот да стане посилен.
„Неизвесно е, но постои една голема опасност – сродноста на потеклото на мајмунските сипаници кога ќе преминат на луѓето, бидејќи тоа е мала еволутивна патека на скок од мајмун на човек, тоа е најсродниот пат. Дали ќе дојде до тоа вирусот да стане посилен на човекот, тоа е сега опасност“, објаснува Глигиќ.
Таа вели дека не треба да очекуваме епидемија како епидемијата на вариола вера во 1980-тите, но треба да бидеме внимателни.
„Мора да се размислува од каде потекнува вирусот. Сметајќи на се што увезуваме од Африка, мајмуните се хранат со овошје, ние увезуваме многу овошје. И инсектите исто така можат да играат улога во пренесувањето, тоа може да биде причина што одеднаш се појавија случаи на сите континенти. Тоа е многу необично. Постојат теории според кои човек може да се запраша дали некој направил нешто. Јас мислам не“, заклучува Глигиќ. (Н1)
