Ако вашето дете има синдром на дефицит на внимание и хиперактивност (АДХД) и се соочува со проблеми со контролата на мочниот меур или со навиките за одење во тоалет – не сте сами.
Многу родители се изненадени кога ќе дознаат дека овие предизвици често одат заедно. Добрата вест? Постојат јасни причини за оваа врска и уште подобро, постојат практични чекори кои можете да ги преземете за да му помогнете на вашето дете да се чувствува посамоуверено и со подобра контрола.
Зошто АДХД предизвикува ноќно мокрење (енуреза) и проблеми со мокрењето (дисфункција на празнење на мочниот меур)?
Ова може да се случи од неколку причини. АДХД е состојба при која фронталниот лобус на мозокот има потешкотии во обработката на информации. Тоа може да влијае на способноста на мозокот да ги протолкува сигналите од мочниот меур кога е полн. Во исто време, контролата на импулсите и лесното одвлекување на вниманието можат да го забават развојот на здрави навики за мокрење кај детето.
Децата со АДХД често имаат и други состојби кои можат да влијаат на мокрењето, како запек, нарушувања во спиењето, опозициско-агресивно однесување, нарушувања на однесување или анксиозни нарушувања. Поради овие фактори, подобрувањето на енурезата и дисфункцијата на празнење на мочниот меур може да трае подолго кај деца со АДХД.
Како лековите за АДХД влијаат на мокрењето?
Некои лекови кои се користат за третман на АДХД можат да влијаат на мокрењето:
- Амфетамински стимуланси понекогаш може да го отежнат опуштањето на мускулите потребни за мокрење.
- Метилфенидат стимуланси (како што покажале студии на животни) можат да ги променат притисоците во мочниот меур и да ја зголемат неговата способност да задржува урина.
Децата со АДХД често имаат и други состојби кои можат да влијаат на мокрењето, како запек, нарушувања во спиењето, опозициско-агресивно однесување, нарушувања на однесување или анксиозни нарушувања. Поради овие фактори, подобрувањето на енурезата и дисфункцијата на празнење на мочниот меур може да трае подолго кај деца со АДХД
Тоа не значи дека вашето дете треба да престане со терапијата. Но добро е да разговарате со педијатарот ако забележите промени во навиките за мокрење по почеток на лекување или промена на дозата.
Како се третираат енурезата и дисфункцијата на празнење кај дете со АДХД?
Основниот пристап вклучува:
- редовно мокрење,
- контрола на внесот на течности,
- справување со запек.
Децата кои имаат проблеми со мокрењето често веќе се чувствуваат лошо поради тоа. Казнувањето може само да го влоши проблемот и самопочитта
Некои деца имаат корист и од физикална терапија на карличното дно, за да научат како да ги опуштат потребните мускули при мокрење. Ако промените во однесувањето не се доволни, може да се даде и медикаментозен третман.
Кај деца со АДХД, комбинацијата од овие промени со бихејвиорална терапија дава најдобри резултати.
Корисни совети:
Воспоставете редовна рутина за да се балансира вниманието. Понекогаш може да биде тешко да се одвлече вниманието на детето од интересна активност за да оди во тоалет. Помага ако научи да мокри пред одредени активности – пред да тргне на училиште, за време на одмор, или пред игра со пријатели.
Поставете мали, достижни цели, на пример, мокрење на секои 2-3 часа во текот на денот и обавезно пред спиење. Поставете план за нив пред одредени активности во дневната рутина. Фокусирајте се на самото однесување (редовно мокрење), а не на исходот (незгоди со мокрење).
Избегнувајте казнување. Децата кои имаат проблеми со мокрењето често веќе се чувствуваат лошо поради тоа. Казнувањето може само да го влоши проблемот и самопочитта.
Воспоставете комуникација со наставниците за овозможување пристап до тоалети и потсетување на детето да ги користи пред интензивни активности. Побарајте писмо од педијатар, уролог или нефролог за редовен пристап до вода и тоалет во училиштето.
Запомнете
Незгодите со мокрење и ноќното мокрење можат да бидат непријатни и за детето и за родителите. Кај деца со АДХД, особено е важно да се најдат рутински решенија кои одговараат на нивните потреби – вклучително и рутини за одење во тоалет. Ако забележувате проблеми со мокрење, мокрење во кревет или запек, разговарајте со вашиот лекар.
Пишуваат: Д-р Џули Ченг, доцент по урологија и д-р Кетлин Киран, професорка по урологија на Универзитетот во Вашингтон и Детската болница во Сиетл
(Извор: Американска академија за педијатрија, Оддел за урологија)
