За малите деца со прекумерна тежина често не размислуваме како за ризична група, но ако срцето на која било личност е попречено во извршувањето на својата задача поради вишок килограми, доаѓа до одредено ниво на напор и оптоварување.
Децата со прекумерна тежина имаат поголема веројатност да развијат повеќе здравствени проблеми во однос на нивните врсници со просечна тежина, и исто како и возрасните, ни децата со прекумерна тежина не се здрави онолку колку што би можеле да бидат.
Нова студија спроведена во Данска на речиси 1.000 деца покажала дека децата со прекумерна тежина имаат повисоко ниво на шеќер во крвта дури и пред да тргнат во основно училиште. Данската студија е објавена во списанието „Science Direct“, каде што е објаснета целата методологија.
Оваа студија е важна бидејќи дебелината во раното детство покажува дека овој проблем обично се задржува и кога децата ќе пораснат
Истражувањето е спроведено на 335 деца на возраст од две и пол до пет години. Останатите 657 деца веќе посетувале основно училиште и биле на возраст меѓу шест и осум години. Од децата на предучилишна возраст, 13,7 отсто биле класифицирани како дебели, како и 13,6 отсто од децата на училишна возраст.
Истражувачите ги анализирале резултатите од тестовите на крвта и другите собрани податоци за да утврдат дали прекумерната тежина може да предизвика здравствени проблеми кај малите деца.
Разлики кај деца од предучилишна возраст и ученици
Кај децата од предучилишна возраст, истражувачите откриле дека индикаторите за кардиометаболички ризик се многу ниски. Немало значителна разлика и децата на оваа возраст биле со исто здравје без разлика на телесната тежина. Резултатите биле различни кај децата на училишна возраст бидејќи нивните маркери на кардиометаболички ризик биле значително повисоки.
Сите овие деца една година подоцна ги направиле истите анализи, а резултатот го следел истиот тренд. Но овој пат процентот на деца со прекумерна тежина се зголеми од 13 на 17 проценти. Бројките не се променети кај децата од предучилишна возраст.
Оваа студија е важна бидејќи дебелината во раното детство покажува дека овој проблем обично се задржува и кога децата ќе пораснат.
