Играњето тимски спортови е подобро за менталното здравје на децата отколку индивидуалните, како што е тенисот, сугерира една нова студија.
Студијата спроведена на околу 11.000 деца од девет до 13 години покажала дека оние кои се занимаваат со групни спортови, како фудбал или кошарка, имале за петтина помала веројатност да страдаат од депресија во споредба со оние кои не се спортски активни.
Но, децата кои исклучиво се натпреварувале во индивидуални спортови како гимнастика, тенис и борење, имале 15 отсто поголеми шанси за анксиозност за разлика од оние кои не вежбаат.
Истражувачите од Државниот универзитет во Калифорнија кои ја направија студијата рекоа дека тимските спортови се „возило за поддршка на менталното здравје на децата и адолесцентите“.
Играњето со другите го зајакнува заедништвото и влева здраво чувство за натпреварување, велат истражувачите, додека индивидуалните спортови може да предизвикаат поголема анксиозност. Но, авторите повикаа на понатамошно истражување за степенот до кој индивидуалните спортови можат да „бидат проблематични“ за младите луѓе и „под кои околности“.
Истражувачите ги анализирале податоците за спортските навики на 11.235 американски деца, земени од студијата за когнитивен развој на мозокот кај адолесцентите.
Играњето со другите го зајакнува заедништвото и влева здраво чувство за натпреварување, велат истражувачите, додека индивидуалните спортови може да предизвикаат поголема анксиозност
Тековната 10-годишна студија вклучува прашалници за децата и нивните родители еднаш или двапати годишно, игри и загатки кои ја проценуваат функцијата на мозокот, обезбедувајќи примероци од плунка за тестирање, и МРИ скенирање.
За да се квалификуваат, децата морале да играат барем еден индивидуален или тимски спорт кој вклучувал формално вежбање, имал правила, бил трениран од возрасен или младински лидер и бил конкурентен.
- Околу 3.348 млади се занимавале со тимски спортови, 2.366 се занимавале со индивидуални спортови, додека 1.750 играле и тимски и индивидуални. Нивното ментално здравје било споредено со контролна група која не спортувала
По прилагодувањето на другите фактори кои можат да влијаат на менталното здравје на детето, тимот открил дека оние кои се занимаваат со тимски спортови имаат 10 проценти помала веројатност да бидат анксиозни или депресивни во споредба со нивните врсници кои не се занимаваат со спорт. Тие исто така имале 19 отсто намален ризик да бидат повлечени.
Играчите на тимски спорт може да доживеат „чувство на блискост и кохезија со своите соиграчи“, што може да ги зајакне социјалните вештини на младите и нивната способност да се справат со стресот
Наодите се објавени во журналот „PLOS ONE“.
Истражувачите рекоа дека играњето во тим има „емотивни и бихејвиорални придобивки“ што може да се сведат на „многу можности за позитивни социјални интеракции“.
Играчите на тимски спорт може да доживеат „чувство на блискост и кохезија со своите соиграчи“, што може да ги зајакне социјалните вештини на младите и нивната способност да се справат со стресот.
Негативното ментално влијание кај поединечните спортисти може да се должи на тоа што младите се соочуваат со „значаен стрес“ кога настапуваат пред публика и имаат страв околу другите кои го судат нивниот изглед, велат истражувачите.
Тие, исто така, може да бидат „многу свесни“ за очекувањата што им ги поставуваат родителите, семејството и врсниците што „може да резултираат со притисок да се претстават добро“, велат истражувачите.
Сепак, ова е прва студија што објави дека играњето индивидуални спортови може да предизвика повеќе ментални проблеми во споредба со непрактикувањето спортови, па затоа бара повеќе истражување, велат истражувачите.
Претходните студии покажаа дека индивидуалниот спорт е поврзан со помалку симптоми на паника во младата зрелост и помалку проблеми со невнимание и хиперактивност, рекоа тие.
