Веројатно отсекогаш сте се прашувале каква боја на очи ќе има вашето дете. Бојата на очите, како и бојата на косата, се генетски предиспонирани и наследни физички карактеристики кај потомството.
Како децата ја наследуваат бојата на очите?
Бојата на очите или бојата на косата како наследни особини детето ќе ги наследи или од родителите или од блиски роднини. Затоа уште однапред во зависност од физичките карактеристики на родителите или роднините, со сигурност може да се утврди каква боја на очи и коса ќе има детето.
Ако и двајцата родители се синооки, речиси е сигурно (99%) дека и нивното потомство ќе биде синооко, а само 1% дека нивното дете ќе има зелени очи
Бојата на очите кај децата е генетски предиспонирана физичка карактеристика. Кај новородените бебиња до првата година од животот, оваа боја е подложна на промени.
Но, во зависност од бојата на очите на родителите или блиските роднини на новороденото дете, и детето ќе ја има таа боја по првата година.
Бидејќи гените се мешаат, децата знаат да „повлечат“ гени и од претходните генерации. Тогаш нивната боја на очи може да биде многу необична и воопшто да не биде слична на онаа што ја имаат нивните родители.
Генетичарите направиле дури и релативно прецизна табела од која со одреден процент на прецизност може да се види каква боја на очите ќе има детето.
Каква боја на очи ќе има вашето дете?
Кафеавата боја на очи е доминантна. Ако и двајцата родители имаат кафеави очи, во 75% од случаите детето ќе ја наследи истата кафеава боја на очи, додека само 18,75% ќе имаат зелени или 6,25% од случаите ќе имаат сини очи.
Доколку еден од родителите има зелени или сини очи, постои 50% шанси дека детето ќе има доминантна кафеава боја. Доколку еден од родителите има зелени очи, шансите детето да има зелени очи се 37,5%, додека само 12,5% од децата ќе имаат сини очи.
Ако еден од родителите е синоок, детето никогаш нема да има зелени очи, што е интересен факт, но затоа се зголемуваат шансите детето да има сини очи – до 50%.
Кафеавата боја на очи е доминантна. Ако и двајцата родители имаат кафеави очи, во 75% од случаите детето ќе ја наследи истата кафеава боја на очи, додека само 18,75% ќе имаат зелени или 6,25% од случаите ќе имаат сини очи
Ако двајцата родители имаат зелени очи, помалку од 1% од децата ќе имаат кафеави очи. Сепак, најголеми се шансите детето да има зелени очи, дури 75%, додека постои 25% веројатност родителите со зелени очи да имаат дете со сини очи.
Родителите кои имаат сини и зелени очи имаат пола-пола шанси да имаат дете со сини или зелени очи – 50% за зелени очи, 50% за сини очи.
Меѓутоа, ако и двајцата родители се синооки, речиси е сигурно (99%) дека и нивното потомство ќе биде синооко, а само 1% дека нивното дете ќе има зелени очи.
