Терапевтот за деца Џошуа Терхун објави видео на својот профил на TikTok во кое открива осум симптоми на АДХД кај малите деца. Како што објаснува, ова нарушување на хиперактивност и дефицит на внимание по правило се дијагностицира околу седмата година од животот на детето, иако некои симптоми се видливи и многу порано.
Како што нагласува д-р Терхун, кај некои деца АДХД може да се дијагностицира на само четиригодишна возраст, иако тоа е нешто поретко. Токму реакцијата на почетните предупредувачки знаци може да помогне во полесно и побрзо препознавање и на тој начин детето полесно да се справи со својата дијагноза.
Уште еден показател дека детето може да има АДХД е дека родителите често знаат, несвесно или свесно, да избегнуваат одредени ситуации бидејќи се плашат како нивното дете ќе се однесува
Во објавата која за кратко време стана вирална, терапевтот истакнува дека кај детето со АДХД има видливи симптоми како што се чести тантруми кои траат подолго од 15 минути, агресивност за време на играта со врсниците, проблеми со концентрацијата, проблеми со извршување на одредени задачи или активности, склоност кон брзо откажување, тешко прифаќање на транзиција, односно промени и чести повреди поради голема хиперактивност или разиграност.
Уште еден показател дека детето може да има АДХД е дека родителите често знаат, несвесно или свесно, да избегнуваат одредени ситуации бидејќи се плашат како нивното дете ќе се однесува, објаснува тој.
