Количината на родителска приврзаност и љубов многу влијае на развојот на детето, но има одредени последици кои се видливи дури во зрелата возраст. Како што објаснува психологот Карла Мари Менли, во текот на својата долгогодишна пракса видела многу возрасни луѓе кои се соочуваат со одредени проблеми токму поради тоа што во детството не добивале доволно љубов од своите родители.
Родителството и раните животни искуства ги поставуваат темелите за разбирање на детето за тоа што значи да се биде сакан и безбеден во свет кој често е збунувачки
Имено, токму недостатокот на љубов може негативно да влијае на секој аспект од животот на детето, како во неговите најрани, така и во подоцнежните години, пишува „PsychCentral“.
„Ако сте имале детство без љубов и вашите родители не ги задоволувале вашите емоционални потреби, не сте единствени. Ова искуство е вообичаено, а ефектите можат да бидат длабоки и долготрајни. Имено, родителството и раните животни искуства ги поставуваат темелите за разбирање на детето за тоа што значи да се биде сакан и безбеден во свет кој често е збунувачки“, објаснува психологот.
„Имено, кога детето се чувствува запоставено, отфрлено или злоставувано, кај него се јавува одредено чувство на несаканост, кое има тенденција да влијае на сите делови од неговиот живот.“
Но, што точно се случува кога на детето не му пружаме доволно љубов во неговите најрани години? Психологот тврди дека најчесто се јавуваат следниве последици:
- отежнато изразување на сопствените емоции и потреби,
- недостаток на емпатија,
- склоност кон конфликти и други конфликти со околината,
- неможност за саморегулација,
- преголеми очекувања од партнерот и односот во кој се наоѓа личноста,
- отежнато снаоѓање во животот, работата и односите во зрела доба.
