Новороденчето не треба да се изнесува на прошетка кога температурите надвор се многу ниски и се пропратени со ветер и/или магла. Маглата е многу лоша за бебињата, но и за сите други затоа што најчесто се работи за смог.
Кога е, всушност, време за прва прошетка?
Како што веќе споменавме, би било паметно да се почека неколку недели пред новороденчето да излезе надвор во зимски услови. Причини има повеќе:
- зимските бебиња мора да носат скафандери во кои најчесто не им е најпријатно;
- кога бебето е навистина мало – не е тешко да се нахрани летно бебе, но со зимското тоа ќе биде малку потешко, па и прошетката ќе стане многу непријатна;
- бебињата лошо ја регулираат телесната температура, а родителите се склони да ги облекуваат бебињата премногу слоевито, па може да дојде до прегревање.
Секако, попаметно е да почекате барем неколку недели додека бебето малку потпорасне, така што неговата прва прошетка и зимско искуство ќе бидат што попријатно искуство.
На што треба да внимавате
Пред да излезете, проверете ја температурата и условите надвор. Секако дека нема да излезете ако надвор врне силен снег или дожд. Исто така, не е препорачливо да излегувате надвор ни кога е магливо, поради смогот, или кога дува силен ветер. Децата дишат преку уста, па ветерот им го лади грлото што може да доведе до воспаление на грлото и кашлање.
Секако, треба да се има на ум и поднебјето каде што е детето родено. Иако данскиот тип на одгледување деца со „челичење“ на ладно има смисла и свои позитивни страни, ние сепак не сме во Данска.
Имајте на ум дека новороденчињата можеби и нема да имаат многу трпение на студот. Прошетајте максимум половина час и тоа во моменти кога бебето е нахрането и пресоблечено, така што прошетката ќе ви биде што попријатна.
