Американскиот актер Ал Пачино ќе стане татко на 83 години. Тоа е веста која ја пренесоа сите светски медиуми и во која се вели дека 29-годишната девојка на Пачино, Нур Алфалах е бремена во осмиот месец и наскоро треба да го донесе на свет четвртото дете на Пачино. Оттука и дилема во јавноста: Дали мажите можат да бидат плодни во текот на целиот живот и какви се последиците од зачнувањето на постара возраст.
Одговорот, според „The Conversation“, е дека откако ќе влезат во пубертет, мажите не престануваат да произведуваат сперма, освен ако не се појави некој медицински проблем. Затоа е можно мажот да стане татко и во 90-тите години од својот живот. Но, внимавајте, само затоа што мажот може да произведува сперма до крајот на својот живот, тоа не значи дека неговата возраст не влијае на плодноста.
Стареењето може да влијае на квалитетот на спермата, вклучувајќи ја подвижноста, морфологијата односно обликот и концентрацијата, што го отежнува оплодувањето на јајце клетката. Мажите исто така произведуваат помалку сперма како што стареат
Плодноста почнува да опаѓа во 40-тите
„Кај мажите, плодноста опаѓа побавно. Како што старееме, тестисите, како и секој друг орган, не функционираат подеднакво добро како порано“, објаснува за „Форбс“ д-р Скот Ланди, уролог, кој се занимава со машка неплодност и сексуална медицина во Клиниката Кливленд. Стареењето може да влијае на квалитетот на спермата, вклучувајќи ја подвижноста, морфологијата односно обликот и концентрацијата, што го отежнува оплодувањето на јајце клетката. Мажите исто така произведуваат помалку сперма како што стареат.
Генетските абнормалности на спермата, односно мутациите на гените во спермата може да доведат до зголемен ризик од генетски нарушувања кај децата, како што се Даунов синдром, цистична фиброза или хемофилија. Истражувањата покажаа дека тие исто така имаат зголемен ризик од проблеми со менталното здравје
Општо земено, плодноста кај мажите почнува да опаѓа кон крајот на 40-тите години, со годишен пад на плодноста до 23%, кој почнува од 39-тата година. Една студија сугерира дека мажите над 40 години имаат 30% помали шанси да станат родители во период од 12 месеци во споредба со мажите под 30 години. Друга студија за вештачко оплодување со интраутерино оплодување покажало дека мажите кои имале 35 години или помалку имале 52% стапка на плодност по шест циклуси, додека мажите над 35 години имале стапка на плодност од 25%.
Откако ќе влезат во пубертет, мажите не престануваат да произведуваат сперма, освен ако не се појави некој медицински проблем. Затоа е можно мажот да стане татко и во 90-тите години од својот живот. Но, внимавајте, само затоа што мажот може да произведува сперма до крајот на својот живот, тоа не значи дека неговата возраст не влијае на плодноста
Децата кои имаат постар татко може да имаат повеќе здравствени проблеми
Други проблеми поврзани со плодноста кои можат да се појават како што стареат мажите вклучуваат генетски абнормалности во спермата, еректилна дисфункција и промени во репродуктивните органи и ткива. Покрај тоа, промените во општата здравствена состојба како што стареат мажите, како што е високиот крвен притисок, може да влијае на плодноста.
Сите овие проблеми можат да ја намалат шансата за зачнување, но проблеми може да настанат и после. Генетските абнормалности на спермата, односно мутациите на гените во спермата може да доведат до зголемен ризик од генетски нарушувања кај децата, како што се Даунов синдром, цистична фиброза или хемофилија. Истражувањата покажаа дека тие исто така имаат зголемен ризик од проблеми со менталното здравје, наведува „Better Health“. Децата на татковците постари од 40 години имаат пет пати поголема веројатност да развијат пореметување од аутистичен спектар во споредба со децата на татковците помлади од 30 години. Тие, исто така, имаат малку поголем ризик за развој на шизофренија и други ментални нарушувања подоцна во животот.
