Се појавуваат се повеќе докази дека носењето заштитна маска за лице може да спречи заразено лице да го шири коронавирусот на други лица.
Новата студија открива дека домашно направените памучни маски за лице спречуваат 99,9 проценти од заразните капки да се распрснат во воздухот кога некој кашла или зборува, додека хируршките маски спречуваат нивно 100 процентно распрснување.
Наодите од истражувањето ја покажуваат важноста од носење на заштитна маска во јавноста
Тестовите покажуваат деца лице кое стои на два метра од човек кој не носи маска, има до 1.000 пати поголем ризик од вдишување на капките отколку некој што стои на 300 метри од лице кое кашла, но носи маска.
Уште повеќе, дури и домашно направената еднослојна памучна маска го редуцира бројот на заразни капки за повеќе од 1.000 пати.
Тимот од Универзитетот во Единбург, Рослин Институт во Велика Британија, вели дека наодите ја покажуваат важноста од носење на заштитна маска во јавноста, бидејќи ако сте заразени со COVID-19, нема да ги разболите другите.
Новата студија открива дека домашно направените памучни маски за лице спречуваат 99,9 проценти од заразните капки да се распрснат во воздухот кога некој кашла или зборува, додека хируршките маски спречуваат нивно 100 процентно распрснување
„Знаевме дека маските за лице од различни материјали се ефикасни во различна мера во филтрирање на малите капки“, изјави водечкиот истражувач д-р Игнацио Марио Виола, од Универзитетот во Единбург.
„Сепак, кога погледнавме конкретно во оние поголеми капки за кои се смета дека се најопасни, откривме дека дури и наједноставната, рачно изработена еднослојна маска од памук е неверојатно ефикасна“.
За потребите на студијата, објавена на препринт серверот medRxiv.org, тимот разгледал два типа на маски: хируршки маски и еднослојни памучни маски.
Истражувачите извеле два вида на симулации. Првиот бил со модел кој исфрла флуоресцентни капки, а вториот бил со луѓе доброволци во услови на зборување и кашлање. Тие користеле ласерско осветлување за да го измерат бројот на капките во воздухот и УВ-светло за оние што слетале на површината.
Кога моделот носел која било од двете маски за лице, помалку од една во 1.000 честички произлегле од зборувањето или кашлањето. Кога шесте волонтери зборувале и кашлале, помеѓу десетици и илјадници честички биле исфрлени во воздухот без маска.
Хируршката маска била за нијанса поефикасна од домашно направената маска затоа што не дозволила ниту една честичка да се испушти во воздухот.
Студијата ги разгледувала само големите респираторни капки, а не аеросолите, кои се мали честички со мерка помала од пет микрометри – помали од честичка на полен.
„Едноставната порака од нашето истражување е дека заштитните маски за лице функционираат“, изјави д-р Пол Дигард, виролог од Универзитетот во Единбург. „Носењето маска за лице ќе ја намали веројатноста дека некој несвесно заразен со вирусот ќе го пренесе на друго лице“. (Дејли мејл)
