Можеби се чувствувате заштитени затоа што вашата кожа не допира никаква површина. Но, штом се префрлите од допирање на таа површина на допирање на маската или лицето, тоа е контаминација, дури и ако носите ракавици,
Д-р Алисон Бартлет, специјалист за заразни болести на Универзитетот во Чикаго
Носењето раквици можеби нема да ги заштити луѓето од COVID-19 бидејќи тие даваат лажно чувство на безбедност, предупредува експерт.
Д-р Алисон Бартлет, специјалист за заразни болести на Универзитетот во Чикаго, вели дека ракавиците не нудат „ништо во смисла на безбедност“, додека шефовите во Светската здравствена организација велат дека редовното миење на рацете е најдобриот начин да се запре ширењето на вирусот.
Сепак, многу луѓе кои се загрижени за вирусот користат ракавици на сличен начин како и маски. Ова е бесмислено, според д-р Бартлет, бидејќи вирусот може да преживее на ракавиците ако се допрат контаминирани површини.
Таа додава дека носењето ракавици може да им даде на луѓето „лажно чувство на безбедност“ дека нивните раце се заштитени кога „тоа воопшто не е случај“.
Дискутирајќи за ефективноста на носењето ракавици, таа рече: „Можеби се чувствувате заштитени затоа што вашата кожа не допира никаква површина. Но, штом се префрлите од допирање на таа површина на допирање на маската или лицето, тоа е контаминација, дури и ако носите ракавици“.
Во предупредувањето до луѓето што се потпираат на ракавиците како заштитно средство од COVID-19, д-р Бартлет додава: „Не постигнувате ништо во смисла на безбедност“.
Луѓето можат да се заразат со коронавирусот ако го имаат вирусот на рацете и ги допрат очите, носот или устата.
Д-р Бартлет додава дека е лесно да се контаминираат рацете додека се отстрануваат ракавиците затоа што штом ќе се отстрани едната ракавица, другата слободна рака лесно може да ја допре ракавицата што се вади. Исто така, широката употреба на ракавици од страна на пошироката јавност би можела да заврши со исцрпување на залихите предвидени за лекарите, кои следат специфични процедури за да се осигурат дека користените ракавици не ги контаминираат нивните раце. Докторите, исто така, ги мијат рацете пред и откако ќе носат ракавици и користат само еден пар ракавици по пациент. (Дејли мејл)
