Емоционалната злоупотреба или занемарување може да дојде од кој било во нашите животи, вклучувајќи ги и родителите. Но, бидејќи овие термини постојат во широк спектар, може да биде тешко да се забележат.
Емоционалното запоставување е игнорирање на емоционалните потреби на една личност. Ова значи дека личноста не ја добива љубовта, поддршката или разбирањето што му е потребно. Таквото запоставување може да има значителни последици, предизвикувајќи чувство на несигурност и ниска самодоверба.
„Искуствата од детството имаат огромно влијание врз формирањето на нашата личност. Додека физичкото малтретирање остава видливи траги и трауми, емоционалното запоставување и злоупотреба е многу потешко да се препознаат“, истакнува психотерапевтката Маја Ушиоко во неодамнешната објава на Инстаграм.
Искуствата од детството имаат огромно влијание врз формирањето на нашата личност. Додека физичкото малтретирање остава видливи траги и трауми, емоционалното запоставување и злоупотреба е многу потешко да се препознаат
Таа ги открива знаците на емоционално запоставување кај децата на кои треба да се обрне внимание.
- Ладно и дистанцирано днесување.
- Отсуство на комплименти, пофалби и убави зборови.
- Давање непријатни, злобни коментари кои имаат моќ да повредат.
- Оставање на децата сами да се справуваат со проблемите и предизвиците.
- Засрамување на децата и привлекување негативно внимание.
- Казнување на децата поради изразување одредени емоции.
- Уверување на децата дека се товар преку дела или зборови.
- Приговарање и критикување на се што прават децата.
