Францускиот министер за здравство Оливие Веран ја предупреди јавноста да не користи домашно направени заштитни маски за лице од ткаенина бидејќи тие „не ги нудат сите потребни гаранции“.
Веран го повтори предупредувањето претходно издадено од францускиот здравствен совет.
„Сите маски кои имаат моќ на филтрирање поголема од 90% се валидни, што ги вклучува скоро сите хируршки маски за пошироката јавност“, рече тој.
- „Маските што ги правите дома, со најдобри намери во светот, почитувајќи ги официјалните совети, не ги нудат нужно сите потребни гаранции за заштита.
Забелешките на Веран дојдоа во интервју за радиото „Франс Интер“ во вторникот, во кое тој ги опиша стапките на заразеност со COVID-19 во земјата како „високи, но стабилни“ со околу 20.000 нови случаи дневно во текот на изминатите неколку недели, пренесува „Си-Ен-Ен“.
