Европската агенција за лекови (ЕМА) планира да ја одобри вакцината против COVID-19 направена од „Pfizer“ и „BioNTech“ на 23 декември, објави денеска германскиот весник „Билд“, повикувајќи се на извори од Владата на Германија и Европската комисија.
ЕМА на почетокот на декември соопшти дека планира да донесе одлука за одобрување на оваа вакцина на 29 декември, а на 12 јануари и одлука за вакцината изработена од компанијата „Модерна“, пренесува „Ројтерс“.
Вакцината, која заеднички ја развија „Pfizer“ и „BioNTech“, веќе е одобрена во Велика Британија, САД и Канада.
