Хилари Свонк позираше пред својата елка и го покажа трудничкиот стомак. 48-годишната актерка и нејзиниот сопруг Филип Шнајдер (45) очекуваат близнаци, кои треба да се родат на пролет.
„Не можевме да посакаме поневеројатно чудо. Многу сме благодарни за овие два дара на живот“, напиша таа и на своите следбеници им го честиташе Божиќ.
Свонк ја објави својата прва бременост на почетокот на октомври.
„Има нешто што го чекав многу долго и тоа е мојата следна вест – ќе станам мајка. Доаѓаат две деца, не можам да верувам”, рече таа во емисијата „Добро утро Америка“
Свонк призна дека на почетокот имала „напади на утринска мачнина“, а бременоста ја одложувала со години поради кариерата и поради тоа што се до Филип не ја запознала вистинската личност со која би ги одгледувала децата. Инаку, Хилари и Филип се во брак од 2018 година, а претходно беа во врска две години.
