Гостин во подкастот „Ваш педијатар“ е проф. д-р Александар Сајковски, специјалист педијатар, супспецијалист неонатолог, кој дава одговор на повеќе прашања кои се однесуваат на инфантилните колики (грчеви) кај бебињата.
Инфантилните колики се чест проблем кај новороденчињата и доенчињата во првите месеци од животот. Интензивното плачење, кое навидум се јавува без некоја очигледна причина, вознемиреност, свиткување на ноџињата кон стомачето, надуено стомаче, гасови, отежнато празнење на дебелото црево се дел од сликата на стомачните грчеви (колики) кои се присутни кај голем дел од бебињата. Сепак, она што е важно да се запомни е дека коликите се привремена состојба која повеќето деца ја надминуваат без никакви долгорочни проблеми.
Некои од прашањата на кои одговара проф. д-р Сајковски се:
- Што претставуваат инфантилните колики, колкава е нивната преваленца кај доенчињата и зошто се толку голема фрустрација за родителите во првите месеци од животот на бебето?
- Кога почнуваат, кога го достигнуваат својот максимум и во кој период обично стивнуваат, поминуваат?
- Успеа ли науката во последниве години да го најде точниот одговор за нивната појава?
- Постои ли разлика во интензитетот на стомачните грчеви меѓу бебиња кои се дојат и бебиња кои се на адаптирана формула?
- Кои се последиците од нетретирани колики?
- Кои се општите препораки, стратегии за олеснување на болката предизвикана од стомачните грчеви кај бебињата кои треба да ги знаат родителите?
- Каква е улогата на пробиотиците во третманот на инфантилни колики?
- Еден од најистражуваните, најпроучувани соеви за инфантилни колики кај доенчињата е Lactobacillus reuteri DSM 17938 на Biogaia. Зошто е битно што побрзо да се дозира Biogaia кај новороденчињата?
- Како механизмот на дејство на L. reuteri Protectis го објаснува ефектот врз коликите и која е неговата предност во однос на останатите пробиотици?
Подкастот Ваш педијатар со проф. д-р Александар Сајковски можете да го погледнете премиерно денеска во 07 часот на Јутјуб каналот на Pedijatar.mk.
