Во продолжение прочитајте интересни и малку познати факти за половиот орган кај момчињата.
Големи тестиси
Вообичаено е машките новороденчиња да имаат големи тестиси во однос на остатокот од телото. Тоа е всушност оток предизвикан од дополнителна течност што се јавува кога тестисите се спуштаат од ретроперитонеалниот простор во стомачната шуплина во скротумот. По неколку месеци, отокот се намалува и тестисите почнуваат да изгледаат пропорционално.
Лажна ерекција
Момчињата може да имаат ерекција уште во матката! Затоа не се шокирајте ако тоа го воочите при капење или менување на пелените. Сосема е нормално и не е поврзано со наведениот процес кај возрасно лице. Често причина за таквите “ерекции“ е полниот мочен меур. Се работи за физиолошка појава која е добар знак дека се нормално функционира.
Дефалија
Момчињата може да се родат со два пениса, а таа појава се нарекува дифалија. Но, сепак се работи за многу ретка состојба која се јавува кај еден на секои пет до шест милиони мажи, а често е проследена и со други генитални абнормалности.
Микропенис
Половиот орган кај новороденче помал од 1.9цм при истегнување се нарекува микропенис. Се работи за аномалија, најверојатно предизивкана од хормонално пореметување. Таквата состојба може да се надмине со лекување или операција.
Празни “вреќички“
Момчињата не создаваат клетки на сперма се до пубертетот (на возраст од 11 или повеќе години). Значи, дури и ако вашето бебе има “ерекции“ или се допира, тоа нема да доведе до ејакулација бидејќи во тестисите се уште нема семена течност.
Може да се скрши
Технички скршеницата на пенис се нарекува “скрепница“ иако во органот нема коски. Иако може д апомислите дека скршеница на пенисот може да имаат само возрасните, тие може да се јават и кај машките деца. Според британско истражување, најчеста причина за скршеница на пенисот кај момчињата на возраст од две до четири години биле незгоди во капакот од ве-це шолјата.
