ПИШУВА:
Катерина Шекеровска-Димовска
katerina@pedijatar.mk
Во мај, месецот кога се одбележува Денот на семејниот лекар (19 Мај), од 15 до 18 мај 2025 година во хотелот „DoubleTree by Hilton“ во Скопје, ќе се одржи 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ). Станува збор за настан кој нетрпеливо се очекува и за кој владее огромен интерес од страна на стручната фела, компаниите, но и од колегите од соседството.
„На конгресот свое учество ќе земат 25 странски предавачи – професори и лекари од Португалија, Германија, Словенија, Хрватска, Романија, Бугарија, Турција и Србија, како и домашни професори експерти, но и семејни лекари“, открива д-р сци. Драган Ѓорѓиевски, претседател на Здружението на лекари по општа-семејна медицина (ЗЛОМ-СМ) и потпретседател на Европската унија на семејни лекари – УЕМО.
Семејните лекари имаат клучна улога во здравствениот систем, бидејќи тие се првите на кои пациентите им се обраќаат за помош и грижа. Тие се основа на примарната здравствена заштита и играат суштинска улога во превенцијата, раното откривање на болести и континуираното следење на здравјето на пациентите. Преку нив, се обезбедува интегрирана и сеопфатна грижа која е важна за здрава и отпорна нација. Мотото на конгресот „Дијагноза и превенција во семејна медицина патоказ кон иднината“, ја нагласува токму оваа суштинска улога на семејните лекари во унапредувањето на здравјето на популацијата.
Во месецот кога се одбележува Денот на семејниот лекар (19 Мај), востановен од Светската организација на лекари по семејна медицина (WONCA) со цел да се истакне важноста на семејните лекари во здравствениот систем и нивната улога во обезбедувањето на континуирана, квалитетна и сеопфатна здравствена грижа за поединците и заедниците, од 15-18 мај 2025 во хотелот „DoubleTree by Hilton“ во Скопје ќе се одржи 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ). Како се одвиваат подготовките и што може да очекуваме?
Д-р сци. Ѓорѓиевски: Подготовките за 6. Конгрес и 26. Симпозиум со меѓународно учество на Здружението на лекари по општа-семејна медицина (ЗЛОМ-СМ) се одвиваат во најдобар ред. Програмата веќе е готова. Оваа година има огромен интерес за конгресот и од страна на колегите и од страна на компаниите, но и од колегите од соседството, токму затоа иако е почеток на февруари симпозиумскиот дел е сосем прикрај и за некој ден ќе биде затворен. Колегите веќе започнаа да си обезбедуваат котизации за учество на истиот. На конгресот свое учество ќе земат 25 странски предавачи – професори и лекари од Португалија, Германија, Словенија, Хрватска, Романија, Бугарија, Турција и Србија, како и домашни професори експерти, но и семејни лекари.
На конгресот ќе има четири работилници: една за eхо дијагностика на абдомен предводена од проф. д-р Михај Јакоб од Медицинскиот факултет во Темишвар, Романија, спирометрија предводена од Српското лекарско друштво, Pediatric life support предводена од Центарот за семејна медицина при Медицинскиот факултет од Скопје, како и апликација на интраартикуларни инјекции предводени од Медицинскиот факултет Риека, Хрватска.
Се обмислува и обележување на Денот на семејниот лекар – 19 Мај, кој оваа година ќе биде изведен во склоп на Конгресот.
Кое е мотото на Конгресот и како истото ја истакнува суштинската улога на семејната медицина во унапредувањето на здравјето на популацијата?
Д-р сци. Ѓорѓиевски: Мотото на овогодишниот конгрес е „Дијагноза и превенција во семејна медицина патоказ кон иднината“. Сакаме да ставиме акцент дека превенцијата е многу битна на ниво на примарната здравствена заштита, но и да испратиме апел до здраствените власти дека е редно време да се намалат административните процедури како би можеле да се посветиме на превенцијата и рано откривање на болести во вистинска смисла. Со самата превенција добиваме поздрава нација, навремено откриени заболувања како и ран третман за подобар исход.
На конгресот свое учество ќе земат 25 странски предавачи – професори и лекари од Португалија, Германија, Словенија, Хрватска, Романија, Бугарија, Турција и Србија, како и домашни професори експерти, но и семејни лекари. Ќе има четири работилници: една за eхо дијагностика на абдомен предводена од проф. д-р Михај Јакоб од Медицинскиот факултет во Темишвар, Романија, спирометрија предводена од Српското лекарско друштво, Pediatric life support предводена од Центарот за семејна медицина при Медицинскиот факултет од Скопје, како и апликација на интраартикуларни инјекции предводени од Медицинскиот факултет Риека, Хрватска
А за посилна примарна здравствена заштита и побрза дијагноза на нашите пациенти да се дадат поголеми ингеренции на семејните доктори и конечно усвојување на пакетот на услуги на ниво на примарна здраствена заштита за кои чекаме веќе шест години.
Симпозиумот е насловен „Силата во рацете на семејниот лекар“, а ќе биде посветен на сексуално преносливите инфекции. Каква е улогата на семејниот лекар во превенцијата и лекувањето на сексуално преносливите инфекции, особено кај младата популација?
Д-р сци. Ѓорѓиевски: Силата е навистина во рацете на семејниот лекар бидејќи се започнува и завршува со семејните лекари. Примарната здравствена заштита е столбот на здравството или како што најчесто велам срцето на здравствениот систем. Семејните лекари го имаат првиот контакт со пациентот, тие се запознаени со заболувањата на пациентот, со терапијата кај секој еден пациент, но уште побитно е што ја познаваат и фамилијата на пациентот, па се најупатени за наследните болести кои можат да се појават кај еден пациент.
Конгресот има навистина обемна програма која започнува од четврток 15.05.2025 во 15 часот и ќе трае до недела 18.05.2025 до 13 часот. Со навистина избрани предавачи кои ќе пренесат нови насоки во превенција, третман и дијагноза на најчестите заболувања со кои се соочуваат во својата секојдневна пракса
Симпозиумот во недела е посветен на сексуално преносливите заболувања. Во последниот временски период се бележи зголемување на сексуално преносливите инфекции особено на ХИВ инфекцијата и тоа пред се кај младата и средната популација и токму затоа сакаме да ја подигнеме и свесноста на пациентите за заштита при ризични сексуални контакти како и отворено да разговараат со своите семејни лекари кога се соочуваат со проблеми поврзани со сексуалното здравје. Како поттикнување на семејните доктори да разговаррат со своите пациенти за заштита од сексуално преносливи инфекции, но ќе бидат претставени и начините за третман при детектирање на одредено сексуално заболување.
Кои се клучните теми што ќе се обработуваат на Конгресот и Симпозиумот?
Д-р сци. Ѓорѓиевски: За симпозиумот веќе споменав дека ќе биде посветен на сексуално преносливите инфекции. Во однос на конгресот ќе има повеќе теми за ризик фактори, скрининг и превенција на одредени заболувања, дијабет, хипертензија и хиперлипидемија ХОББ И АСТМА, мултиморбидитети, стари лица и полифармација, ревматолошки заболувања и антибиотици. Секако ќе има и слободни теми. Секој лекар кој сака да учествува со усна или постер презентација истото ќе може да го направи со поднесување на апстракт преку официјалната веб-страница на Конгресот www.zlomsm2025.mk до 15.03.2025 година. Пропозициите за изгледот на апстрактите се објавени на веб-страницата на Конгресот. Во недела ќе бидат доделени награди за трите најдобри постер и усни презентации, но ќе има и едно изненадување за темите во главната програма.
Може ли да ни откриете дел од еминентните предавачи од земјата и странство кои ќе земат учество на претстојниот настан?
Д-р сци. Ѓорѓиевски: На настанот свое излагање ќе има претседателот на Европската унија на семејни лекари д-р Тиаго Вилануева од Португалија, шефот на катедра на семејна медицина на Медицинскиот факултет во Риека, Хрватска проф. д-р Бранислава Поповиќ, претседателката на Здружението на наставници по општа-семејна медицина доц. д-р Јасна Вучак од Медицинскиот факултет во Загреб, проф. Михај Јакоб – претседател на Романското здружение на семејни лекари, проф. Радост Асенова, шеф на катедра по урологија и семејна медицина при Медицинскиот факултет во Пловдив која е и дел од раководните структури на Светското здружение WONCA. Професор Ксенија Тусек Бунц од Мариборскиот универзитет како и проф. д-р Марија Петек Штер, шеф на катедрата на семејна медицина при Медицинскиот факултет во Љубљана, Словенија како и проф. Весна Џакулин и проф. Даница Ротар Павлиќ, но не смееме да ги заборавиме и помладите доценти од Хрватска, Србија, Бугарија, Словенија и Турција кои ќе се претставаат со свои теми.
Многу ме радува што на стручните состаноци што ги организира нашето Здружение на лекари по општа-семејна медицина (ЗЛОМ-СМ) има голема посетеност, но и многу млади колеги. Апел до фармацевските компании – покрај на етаблираните лекари да им дадат шанса и да им одбезбедат котизации за учество и на помладите колеги кои можат многу да научат од овој конгрес и да ги збогатат своите знаења, а токму тие се иднината во нашата земја и треба да се обидеме да ги задржиме во примарното здравство, но и во нашата земја
Во однос на домашните професори тука се проф. д-р Дејан Доќиќ, експерт во пулмоалергологија, проф д-р Марија Вавлукис, експерт кардиолог, потоа неврологот проф. д-р Драгана Петровска-Цветковска, токсикологот проф. д-р Нико Беќаровски, ендокринологот проф. д-р Татјана Миленковиќ и проф. д-р Катерина Ставриќ, шеф на катедрата по семејна медицина, но и голем број доктори на наука и специјалисти по семејна медицина од нашата земја.
Силата е навистина во рацете на семејниот лекар бидејќи се започнува и завршува со семејните лекари. Примарната здравствена заштита е столбот на здравството или како што најчесто велам срцето на здравствениот систем. Семејните лекари го имаат првиот контакт со пациентот, тие се запознаени со заболувањата на пациентот, со терапијата кај секој еден пациент, но уште побитно е што ја познаваат и фамилијата на пациентот, па се најупатени за наследните болести кои можат да се појават кај еден пациент
Какви се Вашите очекувања и како овие стручни настани влијаат врз развојот на семејната медицина во нашата земја и подобрување на квалитетот на примарната здравствена заштита?
Д-р сци. Ѓорѓиевски: Со облиците на континуирана медицинска едукација лекарите добиваат нови сознанија за третманот и дијагнозата на голем број заболувања, а се со цел за подобра здраствена заштита на нашите пациенти. Воедно добиваме сознание и за новите препораки кои се користат при дијагноза и третман во европските земји и во околните земји. Но и можност на нашите колеги да поразговараат и да се дружат со колегите од другите балкански и европски земји со што ќе разменат искуства и за третманот на своите пациенти. Конгресот има навистина обемна програма која започнува од четврток 15.05.2025 во 15 часот и ќе трае до недела 18.05.2025 до 13 часот. Со навистина избрани предавачи кои ќе пренесат нови насоки во превенција, третман и дијагноза на најчестите заболувања со кои се соочуваат во својата секојдневна пракса.
Кон крајот на минатата година бевте избран за потпретседател на Европската унија на семејни лекари (УЕМО), што е големо признание за македонското здравство. Во Скопје, на 6. Конгрес на ЗЛОМ-СМ ќе допатува и претседателот на УЕМО, г-дин Тиаго Вилануева. Можете ли да ни кажете нешто повеќе за неговото предавање и учество на Конгресот?
Д-р сци. Ѓорѓиевски: Претседателот на Европската унија на семејна медицина и покрај големата агенда која ја има ја прифати поканата да биде дел од Конгресот на ЗЛОМ-СМ. Тој ќе одржи поздравен говор на отворањето како и презентација за УЕМО – каква е организацијата на УЕМО, за што се залага УЕМО, за семејната медицина како и за сите предизвици со кои се соочуваат семејните лекари низ Европа. Претседателот на УЕМО ќе посети и неколку ординации во главниот град како би се запознал поблиску со организацијата на примарната здравствена заштита во нашата земја. Секако и состанок со здравствените власти во нашата земја.
Интересот за конгресите и симпозиумите на ЗЛОМ-СМ е секогаш голем. Каква посетеност очекувате оваа година, кој се може да учествува и која е Вашата порака до учесниците на 6. Конгрес и 26. Симпозиум со меѓународно учество?
Д-р сци. Ѓорѓиевски: Се очекува од 400 до 500 учесници на овогодишниот конгрес. Сите лекари кои се заинтересирани можат да учествуваат на овој конгрес кој понудува плејада на теми за сечиј интерес од голем број области. Секако сите колеги кои се заинтересирани можат да поднесат апстракти за активно учество со свои усни и постер презентации. Во недела ќе бидат доделени награди за трите најдобри постер презентации и за трите најдобри усни презентации во делот на слободни теми. Ќе има и промена во доделување на наградите и голем удел во истите ќе имаат колегите со нивно гласање. Но ќе има и други изненадувања на самиот конгрес.
Дали има уште нешто што би сакале да додадете на крајот како најава за претстојниот настан?
Д-р сци. Ѓорѓиевски: Многу ме радува што на стручните состаноци што ги организира нашето Здружение на лекари по општа-семејна медицина (ЗЛОМ-СМ) има голема посетеност, но и многу млади колеги. Апел до фармацевските компании – покрај на етаблираните лекари да им дадат шанса и да им одбезбедат котизации за учество и на помладите колеги кои можат многу да научат од овој конгрес и да ги збогатат своите знаења, а токму тие се иднината во нашата земја и треба да се обидеме да ги задржиме во примарното здравство, но и во нашата земја.
