Внесот на фолна киселина за време на бременоста е многу важен за организмот на мајката и здравјето на бебето. Освен што може како медикамент да го добиете препишан од лекар, фолната киселина треба да се внесува и преку исхраната.
Намирници кои треба да ги консумирате, пред се поради високиот процент на фолна ксиелина, секако се јаткастите плодови. Не е важно дали изборот е на бадеми, ореви, кикирики, лешници… Што вие достапно, тоа консумирајте го.
Јаткастите плодови не можат да заменат оброк, но се одлични како ужина. Користете ги наместо нездрави грицки, а особено се добра алтернатива за бремените жени кои тврдат дека не можат без чипс, а неопходно е да ја променат исхраната.
Благодарение на одредени студии, се смета дека децата на бремените жени кои за време на бременоста консумирале јаткасти плодови, имаат помали шанси да заболат од алергии на овие намирници.
Најголем процент на фолна киселина се наоѓа во индиските ореви и лешниците. Слободно во дневното мени може да вброите и семки, како од тиква, така и од сончоглед.
