Родителството денес носи многу нови предизвици – од постојаната изложеност на технологија до засилениот притисок од врсниците. Децата секојдневно се соочуваат со бројни одлуки, а родителите често се прашуваат дали ќе знаат правилно да изберат кога никој нема да ги набљудува? Иако нема магична формула, постојат начини на кои може да ги научите децата да донесуваат паметни одлуки. Во продолжение следуваат неколку корисни совети.
Започнете рано со разговори за одлуки
Колку порано децата научат што значи да се донесе добра одлука и зошто е тоа важно, толку подобро. Психологот Кевин Зоромски советува секојдневно да им нудиме избор на децата, бидејќи така ќе развијат чувство на одговорност и ќе станат активни учесници во семејниот живот.
Колку порано децата научат што значи да се донесе добра одлука и зошто тоа е важно, толку подобро. Психологот Кевин Зоромски советува секојдневно да им нудиме избор на децата, бидејќи така ќе развијат чувство на одговорност и ќе станат активни учесници во семејниот живот
Бидете им пример
Децата најмногу учат додека ве набљудуваат. Ако видат дека сте искрени, одговорни и доследни, поверојатно е дека и тие ќе ги развијат истите обрасци на однесување. Експертката за ментално здравје Кетсупа Џиракарн истакнува: „Вие сте првиот и најважен пример за вашето дете“, пишува „Тајнибинс“.
Вежбајте донесување одлуки
Дозволете му на детето да избере што ќе облече или со кој спорт ќе се занимава. Малите одлуки му помагаат да гради самодоверба и го подготвуваат за посериозни животни избори.
Оставете ги да учат од грешките
Кога детето ќе направи грешка, објаснете му ги последиците и заедно разговарајте за подобра опција следниот пат. Според истражување на Универзитетот Харвард, ако грешките се доживуваат како можности за учење, а не како неуспеси, децата развиваат чувство на контрола и самодоверба.
Бидете им пример! Децата најмногу учат додека ве набљудуваат. Ако видат дека сте искрени, одговорни и доследни, поверојатно е дека и тие ќе ги развијат истите обрасци на однесување. Експертката за ментално здравје Кетсупа Џиракарн истакнува: „Вие сте првиот и најважен пример за вашето дете“
Развивајте критичко размислување
Поттикнете го детето да размисли за проблемот, да ги разгледа опциите и да донесе заклучок. Преку таква практика се развиваат вештини што ќе му користат и во зрелата возраст.
Негувaјте ја емоционална интелигенција
Научете го детето да ги препознае и разбере своите емоции. Кога знае што чувствува и зошто, полесно ќе носи одлуки што се во склад со неговите вредности. Експертката за воспитување Мишел Борба вели дека емоционалната писменост започнува уште од најраното детство и се развива низ целиот живот, а игра клучна улога во донесувањето исправни одлуки.
Имајте трпение
Донесувањето мудри одлуки не доаѓа преку ноќ. Бидете присутни кога детето ќе згреши и кога ќе му биде потребен совет – дури и тогаш кога е доволно старо за да мисли дека знае сè самото.
