Овие здодевни паразити – инсекти, најчесто се јавуваат во колективи: градинка (понекогаш и во јасли), игротеки, болници, но и меѓу училишните деца. Децата од колетивот, вообичаено вошките ги носат дома, па неретко се прошируваат и на останатитете членови на семејството – ПРЕД да се постави дијагноза и да се започне терапија.
Секогаш е добро лекар да ја постави дијагнозата на вошливост, но истата може да се препознае или да се посомнева и од страна на родителите. Со внимателен и трпелив преглед на косата може да се воочат овие здодевни инсекти.
Ова се неколку практични совети за брзо препознавање на вошливост:
- Секое дете кое се чеша по главата, треба внимателно да се прегледа Тоа не важи за повремено “чешкање тука и таму“, но ако детето чести и се повеќе се чеша, прво треба да се исклучи вошливоста, како причина за чешањето на кожата на главата.
- Косата треба да се гледа на добро природно светли или под силна лампа. Прво внимателно прегледајте ја цела коса однадвор, без допирање на главата – неретко се гледа како вошките се пробиваат низ прамените коса.
- Прво погледнете ги деловите од кожата на главата кои чешаат, а потоа цела глава, вклучувајќи го и долниот дел од вратот.
- Косата лесно фаќајте ја, оти вошките бегаат кога ќе почувствуваат прсти во близина
- Гнидите барајте ги на коренот на влакното (блузу до кожата), личат на првут, но не паѓаат од влакната.
- Трагите од чешање (црвени линии или ленти) на кожата на главата будат сомнеж на вошливост, но без воочување на вошки, нема проверена дијагноза.
- Сите членови на семејството и сите лица кои биле во контакт со детето со вошки, треба внимателно да се прегледаат, и кога нема јадеж.
