Како да се препознае губење на слухот кај детето? Имајќи предвид дека детето е сè уште мало и не знае да препознае дека не слуша, понекогаш препознавањето на какви било проблеми може да биде голем предизвик, пренесува „Better Health“.
Како што објаснуваат педијатрите, најчесто станува збор за краткотрајно губење на слухот кое речиси секогаш се јавува при воспаление на увото.
Покрај инфекцијата на увото, други причини кои можат да влијаат на краткотрајното губење на слухот вклучуваат повреди, насобирање на восок во ушниот канал, страно тело заглавено во ушниот канал, вишок на слуз во Евстахиевата туба и инфекција на средното уво. Но, како да препознаете дека детето не слуша?
Како што објаснуваат педијатрите, најчесто станува збор за краткотрајно губење на слухот кое речиси секогаш се јавува при воспаление на увото
Педијатрите нагласуваат дека понекогаш е тешко да се препознаат симптомите, но некои симптоми сепак укажуваат на тоа дека детето може да има проблеми со слухот, меѓу нив се:
- детето не одговара кога го викате,
- има полоши оценки од вообичаено (најчесто причината е што не ја слуша добро наставничката),
- се жали на зуење во ушите (тинитус),
- зборува премногу гласно,
- гледа ТВ со голема јачина на звукот,
- погрешно изговара одредени зборови,
- необјасниво е раздразливо,
- делува незаинтересирано и е склоно кон сонување.
