Мај дефинитивно е месец кога “владеат“ јагодите и по пазарите и во маркетите. Но, кога ќе ги купите забележувате дека повеќето немаат ниту вкус, ниту мирис, па прва мисла ви е од каде ли се дојдени тие.
Во земјава најчесто се увезуваат од Турција, Шпанија и од Грција. Увозните јагоди се достапни порано од оние домашните, а препродавачите често ги препакуваат и ги продаваат лажно тврдејќи дека се растени кај нас. Затоа и се наметнува прашањето: Како да препознаете увозни јагоди?
- Секако дека и домашните јагоди се одгледуваат со пестициди како би се заштитиле и што подолго би останале свежи, но сепак увозните најмногу се разликуваат по мирисот и по вкусот. Домашните јагоди имаат интензивен, препознатлив мирис, послатки се и посочни од увозните. Исто така, немаат ист вкус на сите страни, бидејќи сончевите зраци не ги фаќаат рамномерно во текот на растот.
- Исто така,домашните јагоди може да се препознаат и по формата. Ретко кога сите се со иста величина и боја, Побрзо скапуваат оти се третирани со многу помалку пестициди од увозните, кои за да стигнат цели и свежи и дополнително се третираат.
- Уште една работа која ги издава увозните јагоди е зелениот дел над нив. Кај домашните тој дел е со бледо зелена боја, оти тие се тазе набрани. Домашните исто така се полни со ситни семки.
