Комарците станаа поактивни со зголемувањето на температурите, а многу факти за овие инсекти ги интригираат луѓето. Она што ги интересира повеќето луѓе е како комарците го избираат „домаќинот“ со чија крв ќе се нахранат.
Српскиот Завод за биоциди и медицинска екологија објавува интересен текст кој го дава одговорот на ова и на други прашања врзани со летачките напасти.
Комарците претпочитаат лица со крвна група О, лица со повисока телесна температура, бремени жени и луѓе кои имаат проблеми со дишењето и сето тоа затоа што овие луѓе произведуваат поголеми количини на јаглерод диоксид, што ги привлекува
Факти за комарците
- Досега се регистрирани вкупно 3.549 видови комарци.
- Просечниот комарец тежи околу 2,5 милиграми.
- Комарците не наоѓаат домаќин случајно (тие го набљудуваат движењето) со откривање на инфрацрвени зраци од топлите тела и хемиски сигнали (комарците ги привлекуваат јаглерод диоксид и млечна киселина, меѓу другите хемикалии) на растојание од 25 до 35 метри.
- Комарците се меѓу најбавните инсекти и летаат со брзина од 1-2,4 километри на час.
- Покрупните луѓе честопати се попривлечни за комарците, бидејќи тие се поголеми цели и произведуваат повеќе привлекувачи (јаглерод диоксид и млечна киселина).
- Темната облека привлекува некои видови комарци повеќе отколку облеката во посветли бои.
- Некои истражувања покажуваат дека движењето на домаќините го зголемува процентот на каснување од комарец до 50 проценти.
- Една студија покажа дека полната месечина ја зголемува активноста на комарецот и до 500 проценти.
- Како дел од истражувањето на Арктикот, научниците ги откриле нивните гради, раце и нозе и регистрирале дури 9000 каснувања од комарци по лице за една минута. Со ова темпо, незаштитено лице би изгубило половина од крвта во рок од 2 часа.
- Фреквенцијата на движење на крилјата на комарецот е 300-600 пати во секунда.
- Комарците предизвикуваат повеќе смртни случаи од кое било друго животно на Земјата. Тие се преносители на разни болести, вклучувајќи маларија, денга треска и жолта треска, кои се пренесуваат на луѓето и животните кога комарците се хранат со нив.
- Кога женка ќе земе крвен оброк, нејзиниот стомак се шири и може да прими до три пати повеќе крв од нејзината тежина.
- Комарците претпочитаат лица со крвна група О, лица со повисока телесна температура, бремени жени и луѓе кои имаат проблеми со дишењето и сето тоа затоа што овие луѓе произведуваат поголеми количини на јаглерод диоксид, што ги привлекува.
- Животниот век на женскиот комарец е од две недели до неколку месеци, додека мажите живеат само една недела.
- Машките комарци ги наоѓаат жените според звукот произведен од нивните крилја во текот на летот.
