Науката го кажа својот збор: не е паметно детето да не носи кацига (шлем) додека вози велосипед или се занимава со некој спорт. Американската академија за педијатрија (ААП) издаде ажурирана изјава за политика за носење кацига за време на рекреативни спортови во детска возраст.
„Доказите се јасни: кацигите спасуваат животи и значително ги намалуваат ризиците од сериозни повреди“, се вели во соопштението потпишано од д-р Лоис К. Ли од Советот за превенција на повреди, насилство и труење на ААП.
„Повредите поврзани со спортот претставуваат значителен дел од сите трауматски повреди на мозокот. Како педијатар ги советувам сите пациенти и нивните родители да носат кациги“, додава Ли.
ААП наведува дека стапките на повреди во рекреативните спортови се највисоки кај учесниците на возраст меѓу 5 и 24 години. Организацијата, исто така, укажа на истражувањето кое покажало дека возењето велосипед предизвикува околу 26.000 посети на итната служба годишно само во САД и е водечка причина за педијатриски повреди на главата поврзани со спорт.
ААП исто така напоменува дека податоците од 2012 година покажуваат дека само 42 отсто од децата на возраст од 5 до 17 години секогаш носат кацига додека возат велосипед, а 31 отсто никогаш. Други го прават тоа само понекогаш.
ААП наведува дека стапките на повреди во рекреативните спортови се највисоки кај учесниците на возраст меѓу 5 и 24 години. Организацијата, исто така, укажа на истражувањето кое покажало дека возењето велосипед предизвикува околу 26.000 посети на итната служба годишно само во САД и е водечка причина за педијатриски повреди на главата поврзани со спорт
Скијањето, возењето скејтборд или сноуборд, како и лизгањето на мраз и коњичките спортови исто така носат висок ризик од повреди на главата. Носењето кацига е од суштинско значење и за овие спортови (во некои случаи тоа е задолжително до одредена возраст).
„Повредите поврзани со спортот претставуваат значителен дел од сите трауматски повреди на мозокот. Како педијатар ги советувам сите пациенти и нивните родители да носат кациги“, вели д-р Лоис К. Ли
Совети од педијатри:
-
Кацигата што ја носи детето треба да биде дизајнирана за спортот во кој детето учествува;
-
Охрабрете го вашето дете само да ја избере кацигата и да ја украси по желба, за да ја одрази неговата единствена личност и интереси;
-
Секоја кацига која била вклучена во несреќа или е оштетена или премногу мала, треба да се замени. Избегнувајте да користите користени кациги секогаш кога е можно.
