Психолозите тврдат дека многу родители се склони да ја потценуваат моќта на изговорените зборови. Честопати кога сме тажни, лути или уморни, знаеме да му кажеме на детето нешто што може да го повреди или да влијае на неговата самодоверба. Исто така, постојат неколку фрази со кои родителите несвесно го нарушуваат сопствениот авторитет кај децата, пренесува Psychology Today.
Психолозите објаснуваат дека ако немаме доволно авторитет, детето нема да не послуша кога тоа е навистина важно и неопходно. Ова навистина може да му наштети бидејќи сè уште не знае правилно да разликува добро од лошо, барем не кога станува збор за мало дете.
Одредени фрази кои често ги повторуваме како родители можат да го нарушат нашиот авторитет пред детето и затоа детето помалку ќе не слуша и почитува. Една од нив најчесто ја користат огромното мнозинство родители, а еве за која реченица станува збор.
„Ќе те кажам на мама/тато“
Ова е фраза што многу родители често ја користат кога нивното дете не сака да ги слуша или се однесува лошо. Психолозите објаснуваат дека со оваа реченица родителот му дава до знаење на детето дека не знае да се позиционира на соодветен начин, односно самостојно да се бори за она што го очекува од детето.
На некој начин со ваквиот пристап детето ја губи почитта кон оној родителот кој се користи во споменатата фраза, сметајќи дека не е способен сам да ја реши ситуацијата. Како резултат на тоа, авторитетот на родителот е трајно нарушен и многу е можно детето во иднина да не го слуша.
