Првото превозно средство кое сите сме го управувале е велосипедот. Многу родители со страв пристапуваат кон учењето на нивното мало дете да вози велосипед, па затоа и самите чувствуваат страв. Еве што треба да знае секој родител.
- Не постои идеална возраст на која можете да го научите детето да вози велосипед. Најдобро е да почекате детето само да изрази желба.
- Сепак, помеѓу четири и осумгодишна возраст, повеќето деца развиваат физичка координација, добра рамнотежа и принцип на застанување на нивниот трицикл или велосипед со помошни тркала и се подготвени да научат да возат велосипед. Она што можете да го направите како родител е ментално да го подготвите вашето дете за возење, да го предупредите дека најверојатно ќе падне и дека тоа не е ништо страшно.
- Прилагодете го седиштето така што детето ќе може да ја допре земјата со нозете.
- Задолжително набавете кацига за вашето дете и направете ги првите тренинзи на трева за да го ублажите евентуалниот пад.
- Откако ќе го усвои вртењето со педалите, не пуштајте го на улица се додека не го упатите во сообраќајните правила.
