Тајлер Сатон, полицаец од Масачусетс, е скршен по смртта на неговата сопруга. Аријана Сатон, инструкторка по танц, си го одзела животот девет дена откако на 22 мај годинава родила близнаци.
Уште по раѓањето на првото дете пред четири години, Аријана се соочила со постпородилна депресија. Поради ова, Тајлер овој пат бил нервозен и претпазлив, но и оптимист.
„Да биде мајка ѝ беше омилена работа, па мислев дека претпазливоста е доволна“, ја раскажа тој својата приказна за „Тудеј“.
И покрај тоа што секоја недела одела на психолог и имала план, 36-годишната мајка решила да стави крај на својот живот. За поддршка на семејството беше покрената кампања за групно финансирање, која за еден месец собра речиси 350.000 евра.
„За жал, предвременото раѓање на близнаците Еверли Ајрин Сатон и Роуан Стивен Сатон донесе непредвидени предизвици и нанесе огромен притисок врз менталното здравје на Аријана“, стои во описот на кампањата.
И покрај нејзините напори да побара помош, товарот на постпородилната депресија станал преголем.
Немаше знаци дека нешто не е во ред
Тајлер се сеќава дека и двајцата биле возбудени поради раѓањето на близнаците.
„Немаше знаци дека нешто не е во ред. Постојано се шегуваше на сметка на своите отечени зглобови и говореше дека едвај чека да испие голема шолја кафе. Не ни сонував дека ова може да се случи“, изјави тој за „Тудеј“.
Кога Аријана се породила, нејзините бебиња биле однесени на одделот за неонатална интензивна нега, а нејзиниот сопруг не можел да дојде до неа. Сега тој ги повикува другите да внимаваат на знаците на постпородилна депресија и психоза. Тој се сеќава дека по раѓањето на нејзиното прво дете, Аријана развила гранична опсесија со чистотата и снабдувањето со вода.
И покрај тоа што секоја недела одела на психолог и имала план, 36-годишната мајка решила да стави крај на својот живот
„Таа беше загрижена дека има штетни работи во нашата вода од чешма и се јавуваше во градскиот оддел за водоснабдување за да разговара со нив за тоа. Дури и откако ја уверија дека се е во ред, таа не можеше да се опушти“, рече Тајлер, кој земал слободни денови за да ја чува својата сопруга. Тоа само ја влошило ситуацијата.
„Лежеше во кревет и плачеше затоа што имаше чувство дека јас правам се за неа и дека она е лоша мајка“.
На крајот му се пожалила на „гласот“ во главата кој и кажуваl дека се е нејзина вина.„Очигледно, повеќе не можеше да слушне ништо освен тој глас“, заклучил скршениот сопруг.
