Истражувачите откриле дека на девојките кои имаат близок однос со своите татковци им е полесно да го регулираат чувството на осаменост. Како што растат девојчињата, нивната силна приврзаност со татковците исто така може да влијае и на односот со идните партнери.
Во една статија објавена во списанието „Институт за семејни студии“, професорката по психологија на Универзитетот Вејк Форест, Линда Нилсон напиша: „Девојка која има сигурен, поддржувачки и комуникативен однос со својот татко има помала веројатност од тинејџерска бременост, како и помала веројатност од прерано стапување во сексуални односи, во своите рани тинејџерски години“.
Татковците имаат моќ да постават здрава шема која трае цел живот. Старата поговорка „девојките се мажат за своите татковци“ е вистинита. Без разлика дали врската била позитивна или негативна, ние сме луѓе и се стремиме кон она што ни е пријатно и познато
Д-р Керол Ланглоис
ЧУВСТВО НА СИГУРНОСТ
Односот помеѓу таткото и ќерката се развива на различни, а понекогаш и неочекувани начини, особено ако поминуваат многу време заедно. Работата на таткото е да ја отстранува болката со бакнеж и прегратка, како и да учествува во поставувањето и одржувањето на рутината пред спиење, така што чувството за воспоставување сигурност и доверба е една од најважните работи што таткото може да ги развие со својата ќерка.
ПОДДРШКА
Добриот татко го прифаќа истражувањето на ќерката на светот и новите работи на начин својствен за неа. Понекогаш тоа значи да се направи чекор назад додека таа се качува по нешто ново во паркот. Одржувањето на безбедна близина, но и ослободувачка далечина е клучот за успехот во оваа област.
ИЗРАЗИ НА ПРИВРЗАНОСТ
Таткото кој често и кажува на својата ќерка дека ја сака и сака таа да биде среќна, прави за неа повеќе отколку што таа може да замисли. Приврзаноста не мора секогаш да биде изразена со толку јасни зборови, туку и со читање книги и прегратки, охрабрување да јаде повеќе зеленчук и одбивање на повеќекратни барања за гледање телевизија долго време.
Ќерките можеби не го сфаќаат тоа во тоа време, но сето тоа доаѓа од силната желба на нивниот татко да ги насочи кон развивање во најдобрата верзија од себе, пишува „Бејби Чик“.
ЧУВСТВО ДЕКА Е САКАНА
Д-р Керол Ланглоис убаво ја опишува важноста на оваа точка на веб-страницата Psych Central: „Татковците имаат моќ да постават здрава шема која трае цел живот. Старата поговорка „девојките се мажат за своите татковци“ е вистинита. Без разлика дали врската била позитивна или негативна, ние сме луѓе и се стремиме кон она што ни е пријатно и познато“.
