Во зависност од степенот на недоносеност, бебето ќе престојува во инкубатор се додека не зајакне доволно, да добие на тежина и да стане толку самостојно што нема да му треба помош од апарат за преживување. Колку е поголема недоносеноста, толку повеќе ќе му треба внимание, а недостатоците во неговата физиологија ќе бараат посебен третман. Дознајте каква помош во функционирањето на виталните органи добива детето во инкубаторот: ова се најчестите здравствени тегоби на „палчињата“.
- ДИШЕЊЕ
Може да биде забрзано, површно, неритмично, понекогаш со паузи (ритамот на дишење се следи на монитор). Колку е помала масата на детето, толку побрзо дише. Предвремено родените деца со тежина помала од 2 кг најчесто се изложени на ризик од недостаток на кислород (поради паузи во дишењето). Исто така, постои опасност и од запирање на дишењето, дали при кревање, менување пелени, хранење или за време на мирување кога дишењето ќе престане само од себе на неколку секунди. Ритамот на дишење многу брзо самостојно повторно се воспоставува. Кај многу рано предвремено родените бебиња, белите дробови на детето се недоволно развиени, па нивната работа најверојатно ќе биде поддржана од респиратор и уреди за отстранување на секретот од респираторните патишта – лицето на детето ќе биде покриено со маска за дишење.
Имунитетот на детето не е изграден, па детето е подложно на болести. Особено е подложно на вирусни инфекции (грип), пневмонија и септички зарази. Со цел максимална заштита на чувствителниот организам, инкубаторот има само два отвора за раце од страна преку кои може да се допре до детето. Пред контакт со детето, лекарите и родителите темелно ги мијат рацете, се заштитуваат со маски и стерилни наметки
Доењето е најповолен начин за хранење на предвремено родените бебиња доколку е можно да се спроведе. Мајчиното млеко е целосно приспособено на потребите на нејзиното предвремено родено бебе и неговиот состав е различен од млекото на другите мајки. Вредноста и лековитите својства на мајчиното млеко не може да се споредат со ниту една друга замена за храна, а директниот контакт помеѓу мајката и детето (кожа на кожа) дава повеќекратни корисни и позитивни резултати. Детето напредува подобро и побрзо
- СРЦЕ И СИСТЕМ НА КРВНИ САДОВИ
Срцето е слабо и нема постојан пулс. Секое возбудување (плачење, хранење) го забрзува срцевиот ритам и го зголемува артерискиот притисок. Садовите и капиларите сè уште не се целосно созреани и не ја презеле својата функција (тие се тенки, кревки и без цврст тонус). Ако предвремено роденото бебе го легнеме на страна, често се случува горната страна на телото да побледи, а долната страна на која лежи детето да поцрвени од собраната крв. Неразвиениот кардиоваскуларен систем е одговорен за нестабилен притисок и циркулација, па често е неопходно да се поддржи со лекови. Лековите се даваат интравенски (преку инфузија).
- ДИГЕСТИВЕН СИСТЕМ
Дигестивниот систем на предвремено родените деца не е целосно функционален. Кај тешка недоносеност, рефлексот на цицање е целосно отсутен, желудникот не може да прими повеќе од неколку милилитри млеко, поради што детето за почеток ќе мора да прима храна интравенски (преку инфузија). Составот на храната е сличен на оној што би го примал преку папочната врвца во мајчиниот стомак. Подоцна, кога желудникот на детето ќе зајакне, низ носот на детето се става сонда која ја носи храната директно во неговиот желудник. Веднаш штом може да цица или ако веќе доволно зајакнало, мајката може да го дои или се измолзува па детето преку капалка го прима мајчиното млеко. Доењето е најповолен начин за хранење на предвремено родените бебиња доколку е можно да се спроведе. Мајчиното млеко е целосно приспособено на потребите на нејзиното предвремено родено бебе и неговиот состав е различен од млекото на другите мајки. Вредноста и лековитите својства на мајчиното млеко не може да се споредат со ниту една друга замена за храна, а директниот контакт помеѓу мајката и детето (кожа на кожа) дава повеќекратни корисни и позитивни резултати. Детето напредува подобро и побрзо.
- ВИД
Созрева помеѓу 22 и 34 недела од бременоста, а до овој период детето речиси не гледа, ниту често ги отвора очите. Понекогаш ќе биде осветлено со светилка за фототерапија (во случај на жолтица) и поради тоа очите ќе му бидат покриени.
- ТЕРМОРЕГУЛАЦИЈА
Предвремено родените бебиња лесно ослободуваат топлина, но тешко ја ствараат. Им недостасува поткожно масно ткиво кое би служело како топлински изолатор и би го спречило губењето на топлината. Детето многу лесно се прегрева бидејќи потните жлезди се уште ја немаат воспоставено својата функција. Затоа температурата во инкубаторите се одржува и контролира.
- ИМУНИТЕТ НА ДЕТЕТО
Не е изграден, па детето е подложно на болести. Особено е подложно на вирусни инфекции (грип), пневмонија и септички зарази. Со цел максимална заштита на чувствителниот организам, инкубаторот има само два отвора за раце од страна преку кои може да се допре до детето. Пред контакт со детето, лекарите и родителите темелно ги мијат рацете, се заштитуваат со маски и стерилни наметки.
