Многу луѓе сакаат леб и навистина има еден куп опции во продавниците, но не сите се подеднакво добри за нас. Ако се прашувате дали лебот е здрав за вас, одговорот е – понекогаш. Тој може да биде одличен извор на цели зрна, кои изобилуваат со хранливи материи.
Кога купувате леб, обрнете внимание на составот, ако има многу адитиви и состојки чии имиња не можете ни да ги прочитате, одбегнувајте го
Сепак, не секој леб е здрав. Оној кој е направен од бело брашно нема скоро никаква хранлива вредност. Исто така, не е добро кога лебот содржи многу маснотии, на пример бриош печивата може да бидат преполни со путер или масло, и така е и со слатките лебови. Не е добро ни ако лебот е полн со адитиви. Секако, не е добро ни кога го јадете во големи количини.
Но, каков вид на леб е апсолутно најлош според нутриционистите?
„Тоа е оној леб кој има долг список на состојки. Ако размислите, кога ќе си направите сами свој леб дома ви требаат само неколку состојки: вода, брашно, квасец и малку сол“, вели Роксана Ехсани, нутриционистка од Лас Вегас. „Кога купувате леб, обрнете внимание на составот, ако има многу адитиви и состојки чии имиња не можете ни да ги прочитате, одбегнувајте го. Покрај тоа, не купувајте ниту леб што нема воопшто влакна“, пишува „Eat this“.
