Момчињата имаат околу четири пати поголема веројатност да бидат дијагностицирани со аутистичен спектар на нарушувања за разлика од девојчињата, но сè уште не е јасно зошто.
На тоа прашање се обиделе да одговорат авторите на новата студија, група американски експерти предводени од научници од Медицинскиот факултет на Универзитетот Јеил. Резултатите од нивната работа биле објавени во списанието „Brain“.
Во истражувањето учествувале 45 девојчиња и 47 момчиња со аутизам и исто толку девојчиња и момчиња без ова нарушување.
Истражувачите веруваат дека таканаречениот „женски заштитен ефект“, кој ги прави девојчињата помалку подложни на аутизам од момчињата, се заснова на фактот дека на девојчињата едноставно им се потребни значително повеќе мутации за да го развијат нарушувањето – и тоа во стриатумот
Возраста на децата била од 8 до 17 години. Користејќи го методот на функционална магнетна резонанца, научниците ги набљудувале промените во активноста на различни области на мозокот на децата за време на социјалните интеракции со други луѓе – најпроблематичната ситуација кај аутизмот.
Резултатите покажале дека мозокот на девојчињата и момчињата со аутизам различно реагира на гестови и изрази на лицето отколку мозокот на девојчињата и момчињата без аутизам. Меѓутоа, на изненадување на научниците, природата на овие разлики не соодветствувала меѓу половите – разликата помеѓу одговорите на мозокот на социјалната комуникација кај девојчињата со аутизам и девојчињата без аутизам била поразлична од разликата помеѓу одговорите на мозокот кај момчињата. Ова може да сугерира дека различни механизми се вклучени во мозокот на момчињата и девојчињата со аутизам, забележуваат истражувачите.
Генетската анализа покажала дека девојчињата со аутизам имаат многу повеќе од момчињата со аутизам ретки генетски мутации во стриатумот – мозочниот регион кој го регулира мускулниот тонус, внатрешните органи и однесувањето.
Активноста на овие варијанти на гени започнува рано во ембрионалниот развој – 10 недели по зачнувањето – и продолжува до втората година. Овие резултати беа потврдени откако истражувачите анализираа информации од базата на податоци која содржи генетски примероци од повеќе од 2.000 семејства со најмалку едно дете дијагностицирано со ASD.
Така, истражувачите веруваат дека таканаречениот „женски заштитен ефект“, кој ги прави девојчињата помалку подложни на аутизам од момчињата, се заснова на фактот дека на девојчињата едноставно им се потребни значително повеќе мутации за да го развијат нарушувањето – и тоа во стриатумот.
