Во болница во францускиот град Лион се тестира новиот уред кој е во состојба преку анализа на здивот на пациентот, за само неколку секунди да открие дали има коронавирус.
Во тек е втората фаза на тестирање на уредот, а за разлика од стандардниот PCR тест, овој метод на тестирање не е инвазивен и веднаш го покажува резултатот.
Објаснувајќи дека уредот функционира на принцип сличен на оној на кој се заснова класичниот алкотест, шефот на истражувачкиот тим објаснува дека уредот открива молекули во здивот на тестираното лице, кои укажуваат на присуство на коронавирус во организмот.
Целта на француските истражувачи е уредот да стане комплетно оперативен до крајот на годината
Потребно е само лицето кое се тестира да дувне во цевката на уредот, пренесува лондонски „Гардијан“, наведувајќи дека целта на француските истражувачи е уредот да стане комплетно оперативен до крајот на годината. (Танјуг)
