Дури 30 проценти од бебињата се раѓаат со лануго, посебен тип на ситни, меки влакненца кои ги произведуваат фоликулите на влакна на фетусот во текот на вториот триместар, помеѓу 16 и 20 недела. Функцијата на овие влакна е првенствено насочена кон одржување на топлината на детето во матката. Исто така, некои истражувања покажуваат дека лануго влакненцата исто така помагаат во ослободување на хормони кои го намалуваат стресот и го поттикнуваат растот во матката.
Не се раѓаат сите деца со лануго влакненца бидејќи кај повеќето од нив влакненцата отпаѓаат пред раѓањето, пренесува „Today’s Parent“. Така, повеќето бебиња ги губат овие влакна уште во матката, односно до 36-та недела, кога се исфрлаат во плодовата вода. Други новороденчиња, пак, се раѓаат со лануго влакненца, кое обично опаѓаат во првите неколку недели.
Некои родители се грижат поради премногу влакна, вклучително и лануго влакненца, додека други се загрижени дека како што нивното бебе старее, ги нема доволно. Само затоа што бебето е сè уште ќелаво на 18 месеци не значи дека никогаш нема да има убава коса
Дали влакнавоста на вашето бебе треба да ве загрижува?
Може да биде изненадувачки да видите густи влакна на телото на вашето новороденче, без разлика дали се работи за лануго влакненца на рамењата или за густа коса на главата. Токму влакната се честа грижа на новите родители, вели педијатарот Беверли Купферт.
„Некои родители се грижат поради премногу влакна, вклучително и лануго влакненца, додека други се загрижени дека како што нивното бебе старее, ги нема доволно. Само затоа што бебето е сè уште ќелаво на 18 месеци не значи дека никогаш нема да има убава коса“, објаснува таа.
