Постојат бројни рани симптоми на бременост, а еден од главните е изостанок на менструација. Токму овој симптом често ве поттикнува да направите тест за бременост. И токму затоа, ако нетрпеливо чекате и се надевате дека нема да ви дојде менструацијата, бидејќи секако сакате мајчинство, разочарувањето може да биде големо доколку забележите дамки крв на долната облека.
Но, често се работи за крварење во точки или дамки или лажна менструација, што всушност е еден од сигурните симптоми на бременоста, а доаѓа во период кога треба да имате циклус. Spotting, крварењето во точки или лажната менструација се разликуваат од вистинскиот циклу по бојата, густината на крвта, но и по интензитетот и времетраењето на крварењето. Се појавува како последица на имплантација (всадување) на јајце клетката.
Значи, после два-три дена ќе забележите разлика, па тоа нека ви биде поттик и охрабрување сепак да направите тест за бременост.
Освен овој вид на крварење, постојат и други симптоми на бременост кои можат да се појават пред отсуството на менструација:
- Отоци и зголемена чувствителност на градите
- Чувство на надуеност и болки во стомакот, слични на менструалните болки
- Замор, потреба за сон
- Метален вкус во устата
- Покачена базална температура на телото.
