ПИШУВА:
М-р Ивана Урдаревиќ-Геческа,
лиценциран логопед, магистер по специјална едукација и рехабилитација (оштетување на слухот)
♦♦♦♦♦♦♦
Лицето на кое му е дијагностицирано оштетување на слухот, ретко може да го лоцира оштетувањето од слушниот пат, но во повеќето случаи ќе почувствува дека слушањето веќе не функционира како порано.
Секојдневните ситуации можат да бидат тешки: она што се зборува, погрешно се разбира, говорот на луѓето станува неразбирлив, многу често не може да се слушне ѕвоното на вратата или телефонот, а звуците од природата скоро како да исчезнуваат.
При слушањето говор во бучна средина, луѓето се потпираат на читање на говорот од усните. Во ситуација на збир од повеќе луѓе, во која разговорот се префрла од еден на друг говорник, слушно оштетеното лице ќе има голем број потешкотии поради неможност да се локализира правецот од каде што доаѓа говорот
Лицата со оштетен слух ќе почнат да забележуваат дека станува се потешко да се следи или пак разбере говорот во присуство на поголем број луѓе во бучна средина и на крајот станува се потешко да се лоцира изворот на звукот. Понатаму со оштетувањето на слухот лицата можат да бидат изненадени од фактот дека повеќе не ги регистрираат звуците за предупредување во собраќајот или звучните сигнали од електричните уреди во покуќнината и апаратите.
За лице со оштетен слух многу е потешко да го контролира нивото на сопствениот глас. Така кога ќе сретнете некој што зборува невобичаено гласно во поедини ситуации, тоа може да биде прва индикација дека слухот на тоа лице почнал да слабее. Кај младите луѓе оштетувањето на слухот особено може да влијае на нивните можности за едукација и напредување во образованието.
За лице со оштетен слух многу е потешко да го контролира нивото на сопствениот глас
При слушањето говор во бучна средина, луѓето се потпираат на читање на говорот од усните. Во ситуација на збир од повеќе луѓе, во која разговорот се префрла од еден на друг говорник, слушно оштетеното лице ќе има голем број потешкотии поради неможност да се локализира правецот од каде што доаѓа говорот. Во овие ситуации останува да се применува техниката на читање на говорот од усните. Лицето со оштетен слух честопати не може добро да соработува во ситуација на присуство на бучава во средината.
Звуците за предупредување се состојат од разни звуци во собраќајот кои ги користиме повеќе или помалку свесно поради сопствената сигурност. Тие звуци се произведени од труби, ѕвона од велосипед, возила за итна помош, кочења на гумите од сопирачките на автомобилите итн. Во нашите домови тоа се типични сигнали (ѕвоно на врата, телефон, микробранова печка, машина за перење). Зависно од степенот на оштетување на слухот, слушно оштетените лица не ќе можат да придонесат чувство на несигурност и изолација, а понатаму и зголемување на нетолерантноста кај луѓето кои комуницираат со слушно оштетените лица. И во собраќајот и дома, смалената способност за локализирање на звуците се поради тоа што лицето може да слушне дека нешто се случува, но не е во состојба да определи што е тоа и каде е. Во сообраќајот, за лицето со оштетен слух може да се покаже фатален фактот што не е способно соодветно да реагира на акустичниот сигнал, што за лицата со уреден слух претставува основа за сигурно движење низ денешниот хаотичен свет.
