Малечко бебе тешко само 300 грама родено четири месеци порано – лекарите го нарекоа ова чудо „исклучителен медицински успех“.
Дојдено на свет само со 24 недели, малечкото девојче, со рачиња големи колку врвови на прсти, денес е здраво мало дете. Предвремено роденото бебе било спасено благодарение на неуморната грижа на медицинскиот персонал во Универзитетската детска болница во Магдебург, на северот на Германија. Тие ја опишуваат како „мало чудо со голема волја за живот“.
Девојчето родено со само 300 грама – денес е симбол на надеж и живот
Неверојатните фотографии што ги објави болницата го покажуваат новороденчето кое преживеа спротивно на сите прогнози – со глава помала од стисната тупаница. Малото медицинско чудо било на апарат за дишење речиси два месеца, со родителите покрај неа, пред конечно да може самостојно да дише, пишува Сан.
Главниот лекар, д-р Ралф Бетгер, изјави: „Лекувањето на новороденче тешко само 300 грама бара највисоки стандарди и од опремата и од целиот тим. Вентилацијата, исхраната преку инфузии и заштитата на нежната кожа и органи бараат исклучително прецизен и внимателен пристап.“
Сега, опишано како „здраво и енергично“, девојчето е во одлична здравствена состојба.
Светската здравствена организација ги дефинира различните степени на предвремено раѓање, при што бебињата родени пред 28 недели се сметаат за екстремно предвремено родени. Предвременото раѓање денес е водечка причина за смртност кај децата. Тие се причина за повеќе од една петтина од сите детски смртни случаи што се случуваат пред петтата година од животот.
Неверојатните фотографии што ги објави болницата го покажуваат новороденчето кое преживеа спротивно на сите прогнози – со глава помала од стисната тупаница. Малото девојче, како што го нарекуваат „медицинско чудо“,било на апарат за дишење речиси два месеца, со родителите покрај неа, пред конечно да може самостојно да дише
Децата што преживуваат вакво раѓање често се соочуваат со долгорочни здравствени последици, како зголемен ризик од инвалидитет и развојни потешкотии.
Во 2019 година, девојче тешко само 245 грама важеше за најмало преживеано предвремено родено бебе. Бебето Сејби беше родено со големина на јаболко во болница во Сан Диего и чудесно преживеа, пред да биде отпуштено дома како здраво бебе тешко 2,3 килограми. Таа беше родена по 23 недели и три дена од бременоста на мајката. Лекарите им рекле на нејзините очајни родители дека веројатно ќе живее само еден час, но за среќа, таа го докажа токму спротивното.
Во 2025 година, најмалото предвремено родено бебе на светот го прослави првиот роденден – по раѓањето на само 21 недела, на 5 јули 2024 година, во University of Iowa Health Care во Оваја, САД. Наш Кин се роди 133 дена порано, тежок само 285 грама, и моментално е носител на Гинисов рекорд.
