Една минута по полноќ на Универзитетската клиника за гинекологија и акушерство во Скопје се роди Михаил, првородено бебе во Новата 2022 година. Михаил е тежок 3.070 г, долг е 50 см и е четврто дете на скопјанката Сузана и нејзиниот сопруг Горан Стошиќ. Само една минута подоцна (00:02) на свет дојде и Теодора, тешка 3.050 и долга 50 см, прва радост на мајката Симона Петровска. Михаил е роден спонтано, а Теодора со царски рез, а она што е најважно е што и бебињата и нивните мајки се чувствуваат добро.
Во Ковид центарот на ГАК утрово околу 5 часот се роди уште едно бебе, чија мајка е позитивна на Ковид и е единствената родилка хоспитализирана во овој центар. Породувањето поминало без никакви проблеми и ова бебе и мајката се добри, информираше Министерот за здравство, кој утрово ги посети родилките и нивните принови на ГАК.
Нека се здрави и живи и нека имаат безгрижно детство!
