Здраво машко дете, тешко 3760 грама и долго 52 сантиметри е првото родено бебе во 2024 година. Алек се роди веднаш по полноќ, на Клиниката за гинекологија и акушерство во Скопје и е прво дете и долгоочекувана рожба во семејството Стефковски.
Директорката на ГАК д-р Викторија Јовановска потенцираше дека годината почна убаво со три родени бебиња во првите 15 минути веднаш по новата година.
„Годината почна убаво, со родени три бебиња во првите 15 минути веднаш после Новата година, што би требало да биде добар знак дека годината ќе ни биде многу подобра од претходната и се надеваме дека ќе имаме повеќе здрави и доносени бебиња и повеќе среќни родители“, изјави Јовановска.
Новороденчето во текот на вчерашниот ден го посети министерот за здравство д-р Фатмир Меџити, кој му посака здравје, среќа и безгрижно детство на новороденото бебе, а на родителите им ги честиташе новогодишните празници.
Годината почна убаво, со родени три бебиња во првите 15 минути веднаш после Новата година, што би требало да биде добар знак дека годината ќе ни биде многу подобра од претходната и се надеваме дека ќе имаме повеќе здрави и доносени бебиња и повеќе среќни родители, изјави директорката на ГАК, д-р Викторија Јовановска
Традиционално со министерот Меџити во посета на новороденчето и мајката беше и министерката за труд и социјална политика Јованка Тренчевска.
„Оваа година е Универзитетската клиника за гинекологија и акушество, точно на полноќ се роди првото машко бебе Алек и им честитам воедно на родителите, на мајката и таткото Стефковски. Нека им е живо и здраво, да има среќно детство, секако да бидат и тие среќни родители, тоа им е прва рожба во фамилијата“, рече Тренчевска.
