Несе сите заштитни маски за лице подеднакво ефикасни. Новите истражувања покажуваат дека маските со вентили за издишување не го забавуваат ширењето на COVID-19.
Вентилите за издишување имаат за цел да ги направат маските поудобни и полесни за дишење. Сепак, тие се дизајнирани да го заштитат носителот на маската од надворешните загадувачи, а не да ги заштитат другите доколку носителот на маската има COVID-19.
Американскиот центар за контрола и превенција на болести препорачува маски кои го забавуваат ширењето на COVID-19 преку содржина на издишани капки. Дури и лица без симптоми треба да ги носат затоа што некои луѓе заразени со коронавирус не покажуваат симптоми, објаснуваат од CDC.
Видеата покажуваат како вентилите дозволуваат воздухот да ја напушти маската без да го филтрира, што ја поразува целта на маската
„Јас не носам маска за да се заштитам самиот. Ја носам за да го заштитам мојот сосед, бидејќи може да сум асимптоматски носител и да го ширам вирусот дури и без да знам за тоа“, рече истражувачот, инженер Метју Стејмејтс. „Но, ако носам маска со вентил, не помагам многу“.
Стејмејтс создаде две видеа за Националниот институт за стандарди и технологија на САД кои покажуваат обрасци на проток на воздух низ маски со и без издувни вентили. Тој е експерт за техники на визуелизација на проток што му овозможуваат да го фати движењето на воздухот на камера. Видеата и истражувачката статија се објавени на 10 ноември во журналот „Physics of Fluids“.
„Кога ќе ги споредите видеата, разликата е впечатлива“, вели Стејмејтс во соопштението на Институтот. „Овие видеа покажуваат како вентилите дозволуваат воздухот да ја напушти маската без да го филтрира, што ја поразува целта на маската“.
