Целокупното здравје, особено за децата во развој, зависи од бројни, важни фактори. Некои денови се исполнети со активности. Други со малку повеќе од препорачаното време поминато пред екраните. Некои денови порано се оди во кревет, а некои се останува подолго време будни.
Сепак, нова студија објавена во списанието The Lancet Child & Adolescent Health открила дека, кога трите главни фактори во детскиот живот работат еднакво, доаѓа до значајни когнитивни предности. Тие три фактори се спиење, телесна активност и ограничување на времето пред екраните.
Според студија која следела 4500 американски деца на возраст од 8 до 11 години, 95% од нив не успеале да ги задоволат 24-часовните насоки за препорачаното дневно движење за деца и тинејџери. Уште полошо, 30% од американските деца не исполниле ниту една од трите главни препораки.
24-часовните насоки за движење не се преамбициозни:
- Деца од 5 до 13 години треба секоја ноќ да имаат од 9 до 11 часа непрекинат сон
- Децата секојдневно треба да имаат 60 минути физичка активност
- Времето поминато пред екраните не смее да помине два часа дневно
Кога станува збор за САД, децата таму најдобро ја исполнуваат насоката која се однесува на сонот, 51% од децата во студијата спиеле колку што е препорачано во насоките. Меѓутоа, две од три деца премногу време поминале пред екраните, а повеќе од 80% од испитаните деца не се движеле и не вежбале доволно.
Кога сите три насоки ќе се почитуваат, тоа не е корисно само за телесното здравје на децата: според истражувачите, децата кои ги исполнувале овие упатства, имале супериорно ниво на глобално спознавање, како помнење, внимание, брзина на обработка на податоци и јазик.
„Знаеме дека телесната активност, спиењето и времето поминато пред екранните, може да влијаат на когнитивното здравје на детето„, изјавил Џереми Валш, главен автор на студијата од Детската болница во Естем Онтарио.
