Фотографија која совршено ја отсликува целата болка, но и радост на ин витро оплодувањето. Фотографијата, споделена на Фејсбук страницата Sher Institute, ја покажува вистинската дефиниција за љубовта и храброста вткаени во создавањето на ова прекрасно мало девојче.
На фотографијата е прикажано бебе опкружено со стотици инјекции, шприцови и шишенца кои ги користела нејзината мајка за време на макотрпната постапка на ин витро оплодување низ која поминала за да забремени. Постапката траела повеќе од една и пол година. Во моменти кога природата „не соработува“, ИВФ може да стане светилник на надежта за луѓето кои со сите сили сакаат и се обидуваат да станат родители. А оваа фотографија е доказ дека родителите би сториле сè за своето дете.
Мајката на девојчето им порача на сите што се борат со неплодност никогаш да не се откажуваат, да не губат надеж и секогаш да веруваат во чуда – затоа што тие се случуваат!
Докторката Молина Дејал од Sher Institute за „ABC News“ изјавила дека на фотографијата не се сите лекови кои биле потребни да се зачне девојчето на сликата. Мајката поминала низ повеќе циклуси на медицинско асистирано оплодување во текот на една и пол година, рекла таа. Мајката сакала да остане анонимна и само рекла дека иглите биле најлесниот дел од процесот. Емотивната борба, тагата и возбудата оставиле своја трага. Годините поминувале, па поради својата возраст се одлучила за ин витро оплодување.
Фотографијата на својата страница на Фејсбук ја објавија од клиниката за лекување на неплодност Sher Institute, со инспиративен текст за љубовта и надежта со која стигнало на свет ова прекрасно девојче. Мајката на девојчето им порачала на сите што се борат со неплодност никогаш да не се откажуваат, да не губат надеж и секогаш да веруваат во чуда – затоа што тие се случуваат!
