- Детето пред поаѓање на училиште не може да добие воспаление на слепо црево. Тоа е болест на постарите деца.
За жал, тоа не е точно!
Факт е дека повеќето деца со воспалено слепо црево имаат над пет години кога ќе стигнат кај хирург. Сепак, тоа не е медицинско правило, а исклучоците се бројни. Воопшто, статистиката е од мала корист за оние кои не се вклопуваат. Секое дете е 100% за себе и своите родители, но и за лекарот кој го лекува. Целосно е јасно дека и децата од предучилишна возраст “имаат право“ да се разболат од оваа болест, и воспалението на слепо црево дефинитивно не е привилегија на постарите деца.
- Без висока температура нема воспаление на слепо црево, таа задолжително ја следи оваа болест
Повеќето деца навистина имат покачена темепратура при воспалението, но има и деца кај кои тоа не е така. Ова главно важи за постарите деца кои можат да “локализираат“ инфекцијата. Тоа се случува кога фината стомачна обвивка ќе го опколи црвовидниот израсток (тоа е слепо црево – апендикс) и така не довозлува да инфекцијата се прошири преку крвта. Тоа локализирано воспаление може да помине без висока температура, но болката е многу голема, и детето сепак брзо стига до хирург.
- Доволно е хирургот да го испипа стомакот на детето и да постави дијагноза
Не е лесно да се појави дијагнозата на воспалено слепо црево!
Тоа е релативно едноставно кај т.н. типични случаи, но и тогаш хирургот не се потпира само на пипање на стомакот. Се прават најмалку две дополнителни анализи – крвна слика и преглед на урината. Тие можатд а помогнат лекарот да постави дијагноза.
Кај нетипичните (сомнителни) форми на оваа болест, дијагнозата е многу тешко да се постави. Тогаш се прави и ултразвучен преглед на стомакот кој може да помогне да се види дали црвовидниот израсток е отечен – воспален. Сепак, ниту тоа не е апсолутно сигурно. Кога прегледот ќе се надополни со соодветни анализи и следење на детето, се донесува важна одлука – дали да се направи хируршка интервенција или не.
- Слепото црево никогаш не боли од лева страна – тоа сигурно е нешто друго
За жал, оваа не е баш така!
Некогаш се случува слепото црево да е подолго и така поставено да оди “на лево“. Кога таквото слепо црево ќе се воспали, болката може да се локализира и од левата страна.
Се случува и некои деца да имаат силна болка во долниот лев дел на стомакот, иако слепото црево им е на десна страна, каде и му е местото. Тогаш се работи за т.н. рефлексна болка, која се наоѓа подалеку од местото на причината за болка. Сепак, најголем број деца со рефлексна болка, порано или подоцна покажуваат со прст и на долната дел од десната страна на стомакот, како место кое многу ги боли.
Кога слепото црево еднаш хируршки ќе се отстрани, не може повторно да “порасне“.
