Истражувањето спроведено во седум италијански и шпански болници, кое се обиде да пронајде гени во човечкиот геном поврзани со поголем или помал ризик од развој на тежок облик на COVID-19, помалку неочекувано го издвои токму генот одговорен за различноста во крвните групи. Тоа е силна научна потврда дека ризикот од развој на тежок облик на болеста е навистина поврзан со крвните групи
Студијата била спроведена на над 1.900 испитаници во Шпанија и Италија, заболени со КОВИД-19, а резултатите биле споредени со 2.000 лица кои не биле болни. Во новата студија, научниците откриваат дека луѓето со крвна група А се поврзани со 45 проценти поголема шанса за заразување со COVID-19.
Уште пред три месеци, едно истражување од Кина покажа дека луѓето со крвна група А се поподложни на инфекцијата за разлика од луѓето со крвна група 0, кои се повеќе заштитени од вирусот. Следејќи ги резултатите од овие студии, најголем страв на научниците беше дека луѓето со крвна група 0 ќе се опуштат премногу, а луѓето со крвна група А ќе почнат да паничат.
„Овие резултати не треба да се користат за луѓето да се релаксираат и да не ги преземаат задолжителните мерки за заштита“, вели д-р Мери Кушман, хематолог и професор на Универзитетот во Вермонт.
Познатиот хрватски научник Игор Рудан, исто така, го коментираше најновото истражување за крвните групи. „Повеќе истражувања од разни места во светот објавија за поголем ризик од развој на тешка форма на болеста кај луѓе со крвна група А, а намален за крвната група 0. Неодамнешното истражување спроведено во седум италијански и шпански болници, кое се обиде да пронајде гени во човечкиот геном поврзани со поголем или помал ризик од развој на тежок облик на COVID-19, помалку неочекувано го издвои токму генот одговорен за различноста во крвните групи. Тоа е силна научна потврда дека ризикот од развој на тежок облик на болеста навистина е поврзан со крвните групи. За крвната група А е поголем за околу 45%, а за крвната група 0 е понизок за 35% отколку кај другите крвни групи“, вели Рудан за Вечерњи.хр.
