Пролетта е симбол на будење, цветање, сила, нов живот, затоа и како најубаво годишно време е инспирација за многу нешта. Ако наскоро доаѓа вашето девојче, а се уште не сте го избрале вистинското име, можеби едно од овие пролетни ќе биде вистинскиот избор.
Ова се најубавите женски имиња кои со нивното значење асоцираат на пролетта:
Весна е старословенската божица на младоста и пролетта, која имала моќ над сончевата топлина, а со тоа и врз обновувањето на природата.
Лада – Според легендата, Весна е ќерка на Лада, божицата на летот, љубовта и убавината. Таа се буди на пролет и нејзината моќ се зајакнува преку сончевата енергија.
Зора е старословенската божица на утринската зора, која му дава сила на сонцето.
Маја е римска божица на полињата и плодовите, која се поврзува со пролетта, а петтиот месец во годината – мај – е именуван по неа.
Во грчката митологија, Ирис е божица на виножитото.
Анастасија – ова име доаѓа од грчкиот “anastasias” што значи повторно роден, воскреснат, прероден.
На растенија и цветањето асоцираат: Цвета, Невена (Нева), Јасмин(к)а, Љиљана (Лили), Љубица, Виолета.
