Пуштањето цртани филмови или песни на децата се спас за многу родители кои бараат неколку минути одмор. Но, тоа може да го забави развојот на говорот и социјалните вештини, покажува новото истражување.
Истражувачите од Универзитетот Тохоку во Јапонија проучувале 7.000 бебиња, пола од нив девојчиња, пола момчиња, од 2013 до 2017 година. Нивните родители пополнувале прашалници во кои одговарале на прашања за тоа колку часа им дозволуваат на своите деца да гледаат телевизија, ДВД, видео игри и интернет игри на мобилни телефони и таблети.
Бидејќи генерално е тешко да се ограничи времето пред екранот во денешниот свет на електронски уреди, може да биде корисно да се идентификуваат и ограничат аспектите на времето поминато на екранот што се поврзани со доцнење во развојот, а истовремено да се искористат образовните аспекти
Околу половина од бебињата (48,5 отсто) минувале помалку од еден час пред екраните, 29,5 отсто гледале во екраните еден до два часа, 17,9 отсто помеѓу два и четири часа, а 4,1 отсто гледале во екранот повеќе од четири часа на ден. Било оценето нивото на комуникациски вештини на децата и груба моторика, а научниците ги разгледале и фините моторни вештини и вештините за решавање проблеми.
Истражувачите откриле дека бебињата кои поминуваат најмногу време пред екраните во првата година од животот имале најголеми доцнења во развојот на 4-годишна возраст, пишува „JAMA Pediatrics“.
„Бидејќи генерално е тешко да се ограничи времето пред екранот во денешниот свет на електронски уреди, може да биде корисно да се идентификуваат и ограничат аспектите на времето поминато на екранот што се поврзани со доцнење во развојот, а истовремено да се искористат образовните аспекти“, коментира професорот и автор на студијата д-р Таку Обара.
