Жена може да забремени додека е трудна и тоа е ретка состојба која подразбира зачнување на друг фетус, и се нарекува “суперфетација“, тврдат научниците.
Мајката, како резултат на суперфетацијата може да добие две близначиња, со различна гестациска возраст, а понекогаш дури и два различни датуми на раѓање. Ширум светот и официјално се документирани 10 такви случаеви.
Во случај на суперфетација, жената забременува за време на различни менструални циклуси, а освен гестациската возраст, близнаците ќе имаат различна тежина, висина, па дури и крвна група.
Кога жената е бремена, јајчниците престануваат да произведуваат јајце клетки во матката, оти хормоните на телото му испраќаат сигнал да се подготви за раст на детето. Но, кога ќе дојде до суперфетација, јајчниците создаваат и ослободуваат уште една јајце клетка која исто така може да се оплоди.
Последниот ваков евидентиран случај е во Австралија, кога Кејт Хил забременила два пати во рок од десет дена. Таа ги родила девојчињата Шарлот и Оливија, кои се класифицирани како близначки. Но, временската разлика помеѓу нивното зачнување била 10 дена.
