Голем број на родители ги фаќа паника кога ќе забележат дека нивното бебе се препотило во текот на ноќта, но според мислењето на педијатарот Една Тело, нема причина за загриженост. Телесната температура ја контролира нервниот систем кој, како и многу други делови на телото на бебето не се развиени во целост. Како што е случај и со возрасните лица, така и некои бебиња природно повеќе се потат од други деца.
ПРИЧИНИ
Бебето минува многу повеќе време во длабок сон
Иако веројатно сте изненадени од ова тврдење, со оглед дека знаете дека вашето бебе е во состојба да се разбуди речиси 20 пати во текот на ноќта без никаков проблем, факт е дека бебињата, за разлика од постарите деца и возрасните многу повеќе време минуваат во длабока фаза на сон. Од таа причина, тие не се мрдаат и движат како и ние, па со самото тоа и повеќе се потат.
Потните жлезди кај бебето се наоѓаат на главата
Бебињата за разлика од возрасните, немаат потни жлезди под пазувите. Наместо тоа, нивните жлезди се наоѓаат на главата и може да предизвикаат прекумерно потење, особено навечер кога не ја движат главата како кога се будни.
На бебето му е претопло
Во страв дека бебето може да настине, многу родители често претеруваат со облекувањето и покривањето на бебето во текот на ноќта. Но, освен што бебето може да се препоти, тоа може да го зголеми и ризикот од Синдром на ненадејна смрт. Стручњаците велат дека идеална температура на собата во која спие бебето треба да биде помеѓу 20 и 22 степени. Покрај тоа, како што нагласува д-р Тело, ќебенцата, јорганите и останатите прекривки често може да го попречуваат дишењето на бебето. Кога надвор е студено, најдобра опција е вреќа за спиење, а во текот на топлите месеци, најдобро е бебето да носи лесен комбинизон или боди.
Здравствени проблеми
Потењето кај бебињата многу често и главно не е причина за загриженост. Но, доколку забележите дека бебето се поти, треба да внимавате дали постои уште некој симптом кој би можел да укажува дека бебето има некаков здравствен проблем за кој е потребен медицински третман. Слип апнеа е пореметување на дишењето кое често предизвикува гласно ‘рчење, како и ноќно потење кај предвреме родените бебиња. Епизодите на престанок на дишењето во текот на спиење најчесто траат по 15 секунди, па и до цела минута. Секое вакво престанување со дишење брзо се завршува со нагло будење и почеток на спонтано дишење. Ако детето се поти не само преку ноќ, туку и во текот на денот за време на оброк или игра, треба да се проверат евентуално некои вродени срцеви аномалии. Хиперхидроза или прекумерно потење е која потта може да јави по кожата во форма на осип по вратот, грбот, рамената, зад ушите, по лицето, на дланките или на табаните. Хиперхидрозата е состојба која може да е вродена, односно присутна од раѓање, па се воочува од многу мала возраст. Но, може да се јави и на било која возраст.
